«АКСИ САДОИ ОСИЁ». Мастона Собирзода дар Фестивал-озмуни XIII байналмилалии сиркӣ сазовори ҷои сеюм гардид

Август 17, 2022 15:02

ДУШАНБЕ, 17.08.2022 /АМИТ «Ховар»/. Ҳунарманди Сирки давлатии Тоҷикистон Мастона Собирзода дар Фестивал-озмуни XIII байналмилалии сиркӣ таҳти унвони «Акси садои Осиё» сазовори ҷои сеюм ва медали биринҷӣ гардид. Инчунин таваҷҷуҳи махсуси Раиси шаҳри Нур-Султон ва директори Сирки Беларусро соҳиб шуд, иттилоъ дод ба АМИТ «Ховар» муовини аввали Директори Сирки давлатии Тоҷикистон Қурбоналӣ Зоиров.

Мастона Собирзода ҳунари худро миёни 50 нафар ҳунармандони ҷаҳонӣ дар номинаи «Алвон», яъне гимнастикаи ҳавоӣ муаррифӣ намуд.

Ба гуфти Қурбоналӣ Зоиров, дар даврони соҳибистиқлолии давлатӣ бори аввал аст, ки намояндаи Тоҷикистон дар Фестивал-озмуни байналмилалии сиркӣ ҳакамӣ мекунад.

Тавре қаблан иттилоъ додем, Директори Сирки давлатии Тоҷикистон Бахтиёр Раҳматуллозода дар ин озмун ба ҳайси узви ҳайати ҳакамон ширкат намуд.

Ёдовар мешавем, ки аз 10 то 14 август дар Ҷумҳурии Қазоқистон Фестивали XIII байналмилалии ҳунарҳои сирки «Акси садои Осиё» баргузор гардид. Мастона Собирзода дуюмин ҳунарманди Сирки тоҷик аст, ки дар озмуни мазкур иштирок мекунад.


АКС: Сирки давлатии Тоҷикистон

Август 17, 2022 15:02

Хабарҳои дигари ин бахш

Дар Вилояти Мухтори Кӯҳистони Бадахшон иди Сада бошукӯҳ таҷлил карда шуд
Сардори Раёсати Маркази тадқиқоти стратегӣ Зубайдулло Давлатов: «Номи ҷашни Сада аз рақами 100 гирифта шуда, панҷоҳ шабонарӯзро то фарорасии Наврӯз дар бар мегирад»
«НАҚШИ ОСОРХОНАИ МИЛЛӢ ДАР ТАРБИЯИ ВАТАНДӮСТИИ ШАҲРВАНДОН». Дар ин мавзўъ конфронси ҷумҳуриявӣ доир гардид
Дар Душанбе китобномаи профессор Аҳмад Абдуллоев рӯнамоӣ карда шуд
МАРҲАМАТ БА ҶАШНГОҲ! Пагоҳ дар Боғи фарҳангӣ-фароғатии ба номи Абдулқосим Фирдавсии шаҳри Душанбе иди Сада таҷлил мегардад
Кишоварзони вилояти Хатлон ҷашни Садаро бо дастовардҳои назаррас пешвоз гирифтанд
Дар ноҳияи Рӯдакӣ ҷашни Садаро бо намоиши маҳсулоти кишоварзӣ ва ҳунарҳои мардумӣ таҷлил карданд
Дар Истаравшан бо афрӯхтани гулхани рамзӣ ҷашни Садаро бо шаҳомат таҷлил намуданд
«Андоз аз блогерон. Он чӣ гуна ситонида мешавад?», — шарҳи матбуоти даврии Тоҷикистон
Китоби «Tajik Linguistics» («Забоншиносии тоҷик») дар Аврупо ба нашр расид
«АЗ САДА ТО САДА». 7 навъи зироати кишоварзӣ ва дарахтони меваю ангур ба таври расмӣ қабул гардиданд
Соли гузашта беш аз 15 ҳазор нафар нигораҳои Осорхонаи миллии Тоҷикистонро ба таври ройгон тамошо карданд