Дар Душанбе масоили густариши ҳамкорӣ миёни доираҳои тиҷоратии Тоҷикистон ва Таиланд баррасӣ шуд
ДУШАНБЕ, 24.08.2022 /АМИТ «Ховар»/. Вазъи кунунӣ ва дурнамои ҳамкории Тоҷикистон ва Таиланд, инчунин роҳандозӣ ва густариши ҳамкории дуҷонибаи мутақобилан судманд дар бахшҳои кишоварзӣ ва тандурустӣ аз ҷумлаи масъалаҳое буданд, ки зимни мулоқоти муовини Раиси Палатаи савдо ва саноати Ҷумҳурии Тоҷикистон Манзура Рустамова ва мушовири Сафорати Подшоҳии Таиланд дар Ҷумҳурии Қазоқистон, хонум Оратай Пхубунлап баррасӣ шуданд.
Тавре ба АМИТ «Ховар» дар Палатаи савдо ва саноати кишвар хабар доданд, дар мулоқот Оратай Пхубунлапро котиби якуми консули Сафорати Подшоҳии Таиланд дар Ҷумҳурии Қазоқистон Вонгсакорн Чайчана ҳамроҳӣ намуд.
Дар мулоқот ҷонибҳо вазъи кунунӣ ва дурнамои ҳамкории Тоҷикистон ва Таиланд, инчунин роҳандозӣ ва густариши ҳамкории дуҷонибаи мутақобилан судмандро дар бахшҳои кишоварзӣ, тандурустӣ, косметология ва сайёҳӣ дар чаҳорчӯби бахши тиҷорату иқтисод баррасӣ намуданд.
Зимни мулоқот Манзура Рустамова меҳмононро бо фазои мусоиди сармоягузории Тоҷикистон шинос намуда, ба онҳо «Раҳнамои тиҷоратӣ»-ро, ки дар он маълумоти бештар оид ба вазъи иқтисодиёти Ҷумҳурии Тоҷикистон дарҷ гардидааст, тақдим намуд.
Мулоқот дар фазои дӯстона ва ҷавобгӯ ба сатҳи баланди муносибатҳои тарафайн анҷом ёфт.
Акс: ПСС ҶТ
Дар ҷаласаи машваратии мудирони Хазинаи байналмилалии асъор шарҳи вазъи монетарии минтақа пешниҳод гардид
Алӣ Ғиёсуддин Муҳаммад: «Тоҷикистон имкон дорад бо истифода аз захираҳои табиӣ ба яке аз давлатҳои пешрафтаи ҷаҳон табдил гардад»
Бонки миллии Тоҷикистон ҳамкориро бо Бонки миллии Швейтсария тақвият медиҳад
АСАЛ ДАВОИ ДАРД. Имрӯз дар Душанбе «Фестивали занбӯрпарварон, намоиш ва фурӯши асал» баргузор гардид
Дар Тоҷикистон 250 навъи харбуза парвариш карда мешавад
ИСТИФОДАИ САМАРАНОКИ ЗАМИН. Кишоварзони шаҳри Панҷакент дар беш аз 2600 гектар кишти такрорӣ гузарониданд
МАСЛИҲАТИ МУТАХАССИС. Истеъмоли биринҷ ҷисми инсонро фарбеҳ менамояд
МЕҲРГОН ЯКЕ АЗ ИДҲОИ БОСТОНИИ МИЛЛАТ. Иқтибосҳо аз суханрониҳои Президенти Тоҷикистон оид ба аҳамияти ин ҷашн
Ҳайати Тоҷикистон дар ҷаласаҳои гурӯҳи кишварҳои аъзои Хазинаи байналмилалии асъор ва Гурӯҳи Бонки ҷаҳонӣ иштирок намуд
Лоиҳаи бунёди хатти баландшиддати интиқоли барқи сабзи КАСА – 1000 дар қисмати Тоҷикистон, Қирғизистон ва Покистон ба анҷом расидааст
Дар Хатлон ҳаҷми истеҳсоли маҳсулоти саноатӣ беш аз 7 фоиз зиёд гардидаст
Тоҷикистон ва Узбекистон дар самтҳои рушди ҳукумати электронӣ, таҳияи платформаҳо ва ҳамгироии рақамӣ ба мувофиқа расиданд
