Дар Русия машқҳои зиддитеррористии СҲШ «Миссияи сулҳ — 2023» баргузор мешаванд
ДУШАНБЕ, 25.08.2022 /АМИТ «Ховар»/. Дар Русия машқҳои муштараки зиддитеррористии кишварҳои узви Созмони ҳамкории Шанхай (СҲШ) «Миссияи сулҳ — 2023» баргузор мешаванд. Тавре АМИТ «Ховар» хабар медиҳад, дар ин бора Вазири мудофиаи ФР Сергей Шойгу зимни ҷаласаи вазирони мудофиаи кишварҳои узви СҲШ, ки дирӯз, 24 август дар шаҳри Тошканд доир гардид, иттилоъ дод.
«Таваҷҷуҳи асосиро ба омодагии неруҳо равона месозем <…>. Соли оянда мо машқҳои муштараки низомии зиддитеррористии фармондеҳӣ-ситодии кишварҳои узви СҲШ «Миссияи сулҳ — 2023»-ро дар қаламрави Федератсияи Русия баргузор менамоем», — гуфт С. Шойгу.
Ӯ ҳамчунин ёдовар шуд, ки тирамоҳи соли равон «баргузории силсиламашқҳо дар доираи СААД, ки дар Қазоқистон, Қирғизистон ва Тоҷикистон доир хоҳанд шуд, дар назар аст».
Зимни ҷаласа масъалаҳои тавсеаи минбаъдаи ҳамкории байнидавлатӣ дар соҳаи мудофиа, чораҳои таъмини сулҳу субот ва амният дар фазои СҲШ, ҳамоҳангсозии талошҳои кишварҳои узви Созмон дар мубориза бо хатарҳо ва таҳдидҳо баррасӣ шуданд.
Дар ҷаласа Вазири мудофиаи Ҷумҳурии Тоҷикистон, генерал-полковник Шералӣ Мирзо низ иштирок дошт.
Ёдовар мешавем, ки ба СҲШ (соли 2001 таъсис ёфтааст) ҳашт кишвар, аз ҷумла Русия, Чин, Ҳиндустон, Қазоқистон, Қирғизистон, Покистон, Тоҷикистон ва Узбекистон шомил мебошанд. Беларус, Афғонистон, Эрон ва Муғулистон дар Созмон кишварҳои нозир буда, Озарбойҷон, Арманистон, Камбоҷа, Непал, Туркия ва Шри-Ланка шарикони муколама мебошанд.
АКС: хадамоти матбуоти Вазорати мудофиаи Ҷумҳурии Узбекистон
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
