Дар шаҳри Левакант Маркази иттилоотии сайёҳӣ фаъол гардонида шуд

ДУШАНБЕ, 07.08.2022 /АМИТ «Ховар»/. Дар шаҳри Леваканти вилояти Хатлон Маркази иттилоотии сайёҳӣ фаъол гардонида шуд, ки ба рушд додани соҳаи сайёҳӣ дар вилоят ва бо маълумоти зарурӣ таъмин намудани донишҷӯёни дар бахши сайёҳӣ таҳсилдошта равона гардидааст, иттилоъ доданд ба АМИТ «Ховар» дар шуъбаи иттилоотию таҳлилии дастгоҳи Раиси вилояти Хатлон.

Марказ бо  дастуру супоришҳои Раиси вилояти Хатлон Қурбон Ҳакимзода дар заминаи филиали Донишкадаи байналмилалии сайёҳӣ ва соҳибкорӣ ташкил гардидааст.

Дар шаҳри Левакант барои қабули сайёҳон 2 адад меҳмонхона, 5 адад мавзеъҳои сайёҳӣ, 2 адад тарабхона, 10 адад гестхаус, 6 адад банкомат (хизматрасонии бонкӣ), 1 адад мағозаи фурӯши армуғон ва истироҳатгоҳу осоишгоҳҳо фаъолият менамоянд.

Ёдовар мешавем, ки дар шашмоҳаи аввали соли равон ба шаҳри Леваканд 1675 нафар сайёҳони дохилӣ ва 45 нафар сайёҳони хориҷӣ ташриф овардаанд.

АКС: шуъбаи иттилоотию таҳлилии дастгоҳи Раиси вилояти Хатлон