Дастаи мунтахаби наврасони Тоҷикистон (U-16) дар мусобиқаи гиромидошти хотираи Мираброр Усмонов дар Тошканд иштирок мекунад

ДУШАНБЕ, 14.08.2022 /АМИТ «Ховар»/. Дастаи наврасони Тоҷикистон (U-16) оид ба футбол дар доираи омодагӣ ба марҳилаи интихобии Ҷоми Осиё-2023 дар мусобиқаи байналмилалӣ ба поси хотири собиқ президенти Ассотсиатсияи футболи Узбекистон Мираброр Усмонов ширкат мекунад. Дар ин бора ба АМИТ «Ховар» дар Федератсияи футболи Тоҷикистон хабар доданд.

Дар мусобиқаи гиромидошти хотираи Усмонов, ки аз 22 то 27 август дар шаҳри Тошканд баргузор мешавад, дастаҳои наврасони Тоҷикистон, Узбекистон, Эрон ва Япония ширкат мекунанд. Мусобиқа аз рӯи системаи даврӣ дар як марҳила баргузор мешавад. Бозиҳо дар варзишгоҳҳои «Ҷар», «Локомотив» ва «Пахтакор» сурат мегиранд.

Дар марҳилаи интихобии Ҷоми Осиё-2023 дастаи мунтахаби наврасони Тоҷикистон (U-16) дар гурӯҳи «Н» бозӣ мекунад. Рақибони дастаи мо тимҳои наврасони Афғонистон, Тимори Шарқӣ ва Муғулистон хоҳанд буд. Бозиҳои интихобӣ дар гурӯҳи «Н» аз 5 то 9 октябр дар шаҳри Душанбе баргузор мешаванд.

Мусобиқаи гиромидошти хотираи Мираброр Усмонов миёни дастаҳои то 16-сола

Даври 1

22 август (душанбе)

18:00 – Узбекистон (U-16) – Эрон (U-16). Варзишгоҳи «Ҷар»

23 август (сешанбе)

16:00 – ТОҶИКИСТОН (U-16) – Япония  (U-16). Варзишгоҳи «Локомотив»

Даври 2

25 август (панҷшанбе)

16:00 –  Эрон (U-16) – ТОҶИКИСТОН (U-16). Варзишгоҳи «Ҷар»

18:00 – Япония (U-16) – Узбекистон (U-16). Варзишгоҳи «Пахтакор»

Даври 3

27 август (шанбе)

16:00 – Япония (U-16) – Эрон (U-16). Варзишгоҳи «Ҷар»

18:00 – Узбекистон (U-16) – ТОҶИКИСТОН (U-16). Варзишгоҳи «Пахтакор».

Акс: ФФТ