ФУТБОЛ. Имрӯз дастаи мунтахаби то 16-солаи Тоҷикистон бо ҳамсолони хеш аз Ҷопон рақобат мекунад

Август 23, 2022 08:11

ДУШАНБЕ, 23.08.2022 /АМИТ «Ховар»/. Имрӯз дастаи мунтахаби наврасони то 16-солаи Тоҷикистон оид ба футбол таҳти роҳбарии сармураббии нав Раҳматулло Фузайлов аввалин бозии худро дар мусобиқаи байналмилалӣ ба поси хотири собиқ президенти Ассотсиатсияи футболи Узбекистон Мираброр Усмонов доир мекунад. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.

Дар мусобиқаи гиромидошти хотираи Мираброр Усмонов, ки аз 22 то 27 август дар шаҳри Тошканд баргузор мешавад, дастаҳои мунтахаби наврасони Тоҷикистон, Узбекистон, Эрон ва Ҷопон ширкат мекунанд. Мусобиқа аз рӯи системаи даврӣ дар як марҳила баргузор мешавад. Бозиҳо дар варзишгоҳҳои «Ҷар», «Локомотив» ва «Пахтакор» сурат мегиранд. Ширкат дар мусобиқаи мазкур барои наврасони мо марҳилаи омодагӣ ба бозиҳои интихобии Ҷоми Осиё-2023 ба ҳисоб меравад.

Дар марҳилаи интихобии Ҷоми Осиё-2023 дастаи мунтахаби наврасони то 16-солаи Тоҷикистон дар гурӯҳи «Н» бозӣ мекунад. Рақибони дастаи мо тимҳои мунтахаби наврасони Афғонистон, Тимори Шарқӣ ва Муғулистон хоҳанд буд. Бозиҳои интихобӣ дар гурӯҳи «Н» аз 5 то 9 октябри соли равон дар шаҳри Душанбе баргузор мешаванд.

Мусобиқаи гиромидошти хотираи Мираброр Усмонов миёни дастаҳои мунтахаби  то 16-сола  аз чунин даврҳо иборат аст:

Даври 1

 23 август (сешанбе)

16:00 –ТОҶИКИСТОН (U-16) — Ҷопон (U-16). Варзишгоҳи Академияи «Бунёдкор»

Даври 2

25 август (панҷшанбе)

16:00 –  Эрон (U-16) –ТОҶИКИСТОН (U-16). Варзишгоҳи «Кибрай»

17:00 – Ҷопон (U-16) –Узбекистон (U-16). Варзишгоҳи «Пахтакор».

Даври 3

27 август (шанбе)

15:30 – Ҷопон (U-16) –Эрон (U-16). Варзишгоҳи «Ҷар»

17:00 –Узбекистон (U-16) – ТОҶИКИСТОН (U-16). Варзишгоҳи «Пахтакор»

                                                   АКС: Федератсияи футболи Тоҷикистон

Август 23, 2022 08:11

Хабарҳои дигари ин бахш

Марҳилаи интихобии Ҷоми футзали Осиё-2026 дар Душанбе баргузор мешавад
Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст