«ГУЛЗОРИ МАЪРИФАТ». Боғи фарҳангӣ-фароғатии ба номи Фирдавсии шаҳри Душанбе сазовори Шоҳҷоизаи озмуни ҷумҳуриявӣ гардид

Август 19, 2022 15:07

ДУШАНБЕ, 19.08.2022 /АМИТ «Ховар»/. Имрӯз дар Вазорати фарҳанги Тоҷикистон маросими ҷамъбастии Озмуни ҷумҳуриявии боғҳои фарҳангию фароғатӣ таҳти унвони «Гулзори маърифат» баргузор гардид, ки Шоҳҷоизаи озмунро Боғи фарҳангӣ-фароғатии ба номи Абулқосим Фирдавсии шаҳри Душанбе сазовор шуд. Инчунин боғҳои фарҳангӣ-фароғатии ноҳияи Дӯстӣ, «Темурмалик»-и шаҳри Гулистон сазовори ҷои якум гардида, бо Диплом ва мукофотпулӣ сарфароз гардонида шуданд, иттилоъ доданд ба АМИТ «Ховар» дар маркази матбуоти Вазорати фарҳанги мамлакат.

Тибқи хулосаи ҳакамони озмун, боғҳои фарҳангию фароғатии ноҳияи Дарвоз, ноҳияи Данғара ва шаҳри Ваҳдат сазовори ҷои дуюм, боғҳои фарҳангӣ-фароғатии ба номи С. Айнии шаҳри Душанбе, ноҳияи Рашт, Сайфуддини Исфарангии шаҳри Исфара ва шаҳри Турсунзода сазовори ҷои сеюм дониста шуда, бо Диплом ва мукофоти пулӣ мукофотонида шуданд.

Зимни маросими ҷоизасупорӣ ба ғолибони даври ҷамъбастии озмун муовини Вазири фарҳанг Давлат Сафарзода, роҳбарони боғҳои фарҳангӣ-фароғатӣ ва кормандони вазорат иштирок намуданд.

Давлат Сафарзода боғҳои фарҳангӣ-фароғатии мамлакатро оинаи шаҳр, муаррифи тамаддуни миллӣ, илҳомбахши шоирону ҳунармандон арзёбӣ намуда, иброз дошт, ки «бо ташаббусу дастгириҳои бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ҷумҳурӣ боғҳои фарҳангӣ-фароғатӣ ба маротиб афзоиш меёбанд. Ба ҳар минтақае, ки Президенти мамлакат сафар мекунанд, дар ифтитоҳи боғи фарҳангию фароғатӣ ширкат меварзанд. Имрӯзҳо дар миқиёси ҷумҳурӣ 93 боғи фарҳангӣ амал мекунанд, ки муаррифи фарҳангу тамаддуни миллии моянд. Моро зарур аст, ки ин гулгаштҳои зебо — макони илҳомбахши шоирону ҳунармандон ва рамзи фарҳангу маданияти хешро ҳифз намоем».


Озмуни ҷумҳуриявии боғҳои фарҳангию фароғатӣ таҳти унвони «Гулзори маърифат» бо ташаббуси Вазорати фарҳанги Ҷумҳурии Тоҷикистон ва бо мақсади иҷрои банди 19 Нақшаи чорабиниҳои амалисозии «Барномаи давлатии рушди муассисаҳои фарҳангии Ҷумҳурии Тоҷикистон барои солҳои 2021-2025», ки бо қарори Ҳукумати Ҷумҳурии Тоҷикистон аз 3 апрели соли 2021 тасдиқ шудааст, моҳҳои май-август дар миқёси ҷумҳурӣ баргузор гардид.

Дар озмун 93 боғи фарҳангию фароғатии шаҳру ноҳияҳои ҷумҳурӣ иштирок карда, тибқи хулосаи ҳайати ҳакамон, 20 боғи фарҳангию фароғатӣ ба даври ниҳоӣ роҳхат гирифтанд.

Ҳамчунин барои иштироки фаъолона боғҳои фарҳангӣ-фароғатии шаҳри Ҳисор, «Тус»-и ноҳияи Шаҳритус, «Хуталон»-и шаҳри Кӯлоб, Низомиддин Мир Алишери Навоии шаҳри Душанбе, «Устод Рӯдакӣ»-и шаҳри Душанбе, Мир Сайид Алии Ҳамадонии шаҳри Кӯлоб, Садриддин Айнии шаҳри Бӯстон, «Боғи тиллоӣ»-и шаҳри Панҷакент, Камоли Хуҷандии шаҳри Хуҷанд бо Диплом ва мукофоти пулӣ қадрдонӣ гардиданд.

АКС: Вазорати фарҳанги ҶТ

Август 19, 2022 15:07

Хабарҳои дигари ин бахш

Бостоншиносон бори нахуст маданияти моддии Панҷакенти замони Сомониёнро таҳқиқ менамоянд
25 сентябр дар Академияи миллии илмҳо Рӯзи дарҳои кушода гузаронида мешавад
Дар ноҳияи Исмоили Сомонии шаҳри Душанбе Маркази хизматрасонии «Сад ранги чакан» ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Жапаров дар иҷлоси СММ сухан гуфта, гумон кардааст аз минбари Жогорку Кенеши Қирғизистон ҳарф мезанад,- сармуҳаррири рӯзномаи «Ҷаҳони Паём»
Ба шарафи Рӯзи Рӯдакӣ дар Институти илмҳои гуманитарӣ конференсияи илмӣ-амалӣ баргузор шуд
Дар Душанбе бахшида ба Рӯзи Рӯдакӣ ҳамоиш баргузор мешавад
«ТОҶИКИСТОН — КИШВАРИ ДАРЁҲОИ ТИЛЛОӢ». Дар Осорхонаи таърихии вилояти Суғд шакли хурди намоиш ифтитоҳ ёфт
ҲАМЛАИ ТАҶОВУЗКОРОНАИ ҚИРҒИЗИСТОН. Марзбонони қирғиз борҳо санадҳои оташбасро дағалона вайрон намуда, гуноҳро ба сари неруҳои марзбони Тоҷикистон мезананд
ҲАМЛАИ ТАҶОВУЗКОРОНАИ ҚИРҒИЗИСТОН. «Баъзе аз намояндагони ин мардум «хати қирмизӣ»-и ҳамсоядориро кайҳо дағалона убур карда буданд»- муовини Сармуҳаррири рӯзномаи «Садои мардум»
«БИЁЕД, БА ОТАШИ ХОНУМОНСӮЗИ ҶАНГ ДОМАН НАЗАНЕМ!». Муроҷиати Раёсати Иттифоқи нависандагони Тоҷикистон
ҲАМЛАИ ТАҶОВУЗКОРОНАИ ҚИРҒИЗИСТОН. Золим ноком ва ҳар мағруре мағлуб аст, — Саидмукаррам Абдуқодирзода, Раиси Шӯрои уламо
Дар ноҳияи Дарвоз муҷассамаҳои арбобони шинохтаи санъати тоҷик гузошта мешаванд