ИМА изҳор доштанд, ки ҳаққи гузаронидани амалиёти зиддитеррористӣ дар Афғонистонро нигоҳ медоранд

Август 3, 2022 11:14

ДУШАНБЕ, 03.08.2022 /АМИТ «Ховар»/. ИМА ҳуқуқ доранд, ки  минбаъд дар ҳолатҳои зарурӣ дар Афғонистон амалиёти зиддитеррористӣ анҷом диҳанд. Тавре АМИТ «Ховар» бо истинод ба ТАСС хабар медиҳад, дар ин бора сешанбеи 2 август зимни брифинг барои хабарнигорон ҳамоҳангсози иртибототи стратегии Шӯрои амнияти миллии Кохи Сафед Ҷон Кирби изҳор дошт.

Вай таъкид кард, ки дар Афғонистон шумораи ками ҷангҷӯёни шабакаи  террористии «Ал-Қоида»* боқӣ мондааст. «Ва мо медонем, ки дар Афғонистон ҷангҷӯёни “Ал-Қоида” ҳанӯз ҳастанд. Барои паҳн накардани маълумоти махфӣ, ман мегӯям, ки ин рақам чандон зиёд нест»,-гуфт Кирби.

«Агар мо бори дигар таҳдид ба Амрико аз ҷониби онҳо [“Ал-Қоида”*] ё ягон гурӯҳи дигари террористиро бубинем, президент (-и ИМА Ҷо Байден – тавз. ТАСС) ҳақ дорад дубора ба ин иқдом даст занад», зикр кард намояндаи ШАМ, ки ҳамчунин дар бораи аз байн бурдани раҳбари “Ал-Қоида” дар Афғонистон нақл кард.

Кирби таъкид кард, ки Иёлоти Муттаҳида фаъолияти террористҳо дар Афғонистонро бодиққат назорат мекунанд. «Мо вазъро бодиққат назорат карда истодаем ва тибқи маълумоти гирифта амал мекунем», — афзуд ӯ. Ҳамоҳангсози иртибототи стратегӣ дар ШАМ ҳамчунин таъкид кард, ки аз байн бурдани Аз-Завоҳирӣ «маънои онро надорад, ки таҳдиди “Ал-Қоида”* аз байн рафтааст».

Мақомоти Амрико рӯзи душанбе аз маҳви муваффақонаи Аз-Завоҳирӣ хабар доданд. Ҳамлаи ҳавоӣ ба манзиле дар Кобул, ки Аз-Завоҳирӣ дар он ҷо буд, дар охири ҳафта анҷом дода шуд. Ба гуфтаи Вашингтон, роҳбарияти “Толибон” аз ҳузури роҳбари “Ал-Қоида” дар пойтахти Афғонистон хабар доштанд. Маъмурияти ИМА тасдиқ кард, ки “Толибон”-ро аз нияти аз байн бурдани Аз-Завоҳирӣ пешакӣ огоҳ накардааст. Толибон дар навбати худ гуфтанд, ки амалкарди Иёлоти Муттаҳидаро «қатъиян маҳкум мекунанд» ва онро нақзи қонунҳои байналмилалӣ ва созишномаҳои Давҳа медонанд.

________________________

 * Созмони террористии мамнуъ дар Тоҷикистон ва соири кишварҳои ҷаҳон

АКС аз манбаъҳои боз

Август 3, 2022 11:14

Хабарҳои дигари ин бахш

ДАЪВАТИ ТИРАМОҲӢ. Дар Вазорати мудофиа ҷаласа оид ба омодагӣ ба хизмати ҳатмии ҳарбӣ доир шуд
Дар ноҳияи Бобоҷон Ғафуров ва шаҳри Хуҷанд афсарону сарбозон аёдат карда шуданд
«МО БОЯД ЭҲТИЁТ ШАВЕМ». Раиси Кумитаи давлатии амнияти миллии Тоҷикистон Саймумин Ятимов гуфт, ки ташкили муносибатҳо танҳо дар заминаи ҳуқуқӣ сабаби сулҳ, ваҳдат ва ҳамсоягии нек мегардад
Кумитаҳои давлатии амнияти миллии Тоҷикистон ва Қирғизистон протоколи қатъи муноқишаи марзиро ба имзо расониданд
ҲАМЛАИ ТАҶОВУЗКОРОНАИ ҚИРҒИЗИСТОН. Коршинос дар бораи мусоҳибаи дирӯзаи Садир Жапаров изҳори назар кард ва оҳанги гуфтори ӯро «сиёҳ» хонд
ҲАМЛАИ ТАҶОВУЗКОРОНАИ ҚИРҒИЗИСТОН. Прокуратураи генералии Тоҷикистон нисбат ба гурӯҳи низомиён ва шаҳрвандони қирғиз парвандаи ҷиноятӣ оғоз кард
ҲАМЛАИ ТАҶОВУЗКОРОНАИ ҚИРҒИЗИСТОН. Дар шаклу шеваи бархӯрди кишвари ҳамсоя ҳадафу мақсадҳои дигар ниҳонанд,- Рустам Латифзода
«ҶОН БА РАҲИ ВАТАН НИСОР, МАН НАКУНАМ, КӢ МЕКУНАД?». Дар Вазорати мудофиа ҷаласаи комиссияи даъвати ҷумҳуриявӣ доир шуд
ПРОТОКОЛ БА ИМЗО РАСИД. Мулоқоти навбатии гурӯҳҳои кории Тоҷикистон ва Қирғизистон баргузор гардид
ОҚИБАТИ ҲАМА ГУНА ҶАНГ СУЛҲ АСТ. Коршиноси масоили сиёсӣ Зубайдулло Давлатов ҳамлаи таҷовузкоронаи Қирғизистонро маҳкум сохт
ҲАМЛАИ ТАҶОВУЗКОРОНАИ ҚИРҒИЗИСТОН. Шаҳрвандони солимфикри қирғиз аз иқдомоти саркардагони ҳодисаҳои марзӣ розӣ нестанд
ҚАМЧИБЕК ТАШИЕВ КИСТ? Посухи дипломати тоҷик ба ин суол