Имрӯз дар Душанбе бозиҳои даври сеюми Чемпионати CAFA-2022 миёни дастаҳои мунтахаби ҷавонони то 19-сола доир мешаванд

Август 8, 2022 13:38

ДУШАНБЕ, 08.08.2022 /АМИТ «Ховар»/. Имрӯз, 8 август дар Варзишгоҳи марказии шаҳри  Душанбе бозиҳои даври сеюми Чемпионати CAFA-2022 миёни дастаҳои мунтахаби ҷавонони то 19-солаи Эрон бо Афғонистон ва дастаҳои мунтахаби ҷавонони то 19-солаи Тоҷикистон бо Қирғизистон баргузор мегарданд, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Аз ин пеш дастаи мунтахаби ҷавонони то 19-солаи  Тоҷикистон оид ба футбол  дар бозии якум дар чемпионати Ассотсиатсияи футболи Осиёи Марказӣ бо роҳбарии Аҳлиддин Турдиев бар дастаи мунтахаби ҷавонони Афғонистон бо ҳисоби 4:1 пирӯзии калон ба даст овард.

Дар вохӯрии дигари даври дуюми Чемпионати CAFA-2022 дастаҳои мунтахаби  ҷавонони Қирғизистон ва Узбекистон натавонистанд ба дарвозаи ҳамдигар гол бизананд  ва ин бозӣ бо ҳиоби мусовии  0:0 анҷом ёфт.

Ёдовар мешавем, ки бозиҳои даври сеюми Чемпионати CAFA-2022  имрӯз, 8 август доир мешаванд. Соати 18:00 дастаҳои мунтахаби ҷавонони  Эрон ва Афғонистон, соати 21:00 дастаҳои  мунтахаби Тоҷикистон ва Қирғизистон бо ҳам вомехӯранд. Даромад ба Варзишгоҳи марказии шаҳри  Душанбе ройгон аст. Федератсияи футболи Тоҷикистон ҳаводорони футболро ба тамошо даъват мекунад.

 

Чемпионати CAFA-2022 миёни дастаҳои ҷавонони то 19-сола

Даври 2

Афғонистон – ТОҶИКИСТОН –  1:4

Голҳо: Азизбек Ҳаитов, 14 (0:1). Аҳмад Закариё Ҳусайнӣ, 21 (1:1). Содиқҷон Қурбонов, 71 (1:2). Фатҳулло Олимзода, 75 (1:3). Салам Ашӯрмамадов, 90 – аз пеналти (1:4)

Тоҷикистон: Сафармад Ғаффоров, Содиқҷон Қурбонов, Шаҳриёри Иноятулло, Меҳрубони Абдурауф, Фахриддин Ахтамов, Азизбек Ҳаитов (Салоҳиддин Иргашев, 86), Кабир Салимшоев (Иброҳим Зокиров, 61), Абдулло Шарипов (Меҳроб Асоев, 61), Салам Ашурмамадов, Бежан Нишонбойзода (Фатҳулло Олимзода, 61), Сунатулло Азизов (Далер Шарипов, 61).

Беҳтарин бозингари бозӣ: Содиқҷон Қурбонов (Тоҷикистон).

6 август, Душанбе. Варзишгоҳи марказии ҷумҳуриявӣ. 2700 тамошобин.

Акс: ФФТ

Август 8, 2022 13:38

Хабарҳои дигари ин бахш

Варзишгари тоҷик Ҷамшед Мақсудов дар Чемпионати ҷаҳон оид ба гӯштин миёни собиқадорон соҳиби медали нуқра шуд
Санаи баргузории бозиҳои даври 17-уми Чемпионати Тоҷикистон оид ба футбол миёни дастаҳои Лигаи олӣ муайян шуд
ЧЕМПИОНАТИ ҶАҲОН ОИД БА ГӮШТИНИ ДЗЮДО. Ҳарифони паҳлавонони тоҷик муайян шуданд
БОЗИҲОИ 2-ЮМИ ЗИМИСТОНАИ «БАЧАҲОИ ОСИЁ». Дилшод Назаров ва Владимир Максимов иштироки ҳайати Тоҷикистонро баррасӣ намуданд
Ҳайати Тоҷикистон дар ҷаласаи Ассамблеяи 41-уми генералии Шӯрои олимпии Осиё дар Камбоҷа иштирок намуд
Имрўз дар Тошканд Чемпионати ҷаҳон оид ба гӯштини дзюдо оғоз мешавад
ҶОМИ ОСИЁ-2023 ОИД БА ФУТБОЛ. Тоҷикистон дар аввалин бозӣ бар дастаи мунтахаби наврасони Муғулистон ғолиб омад
ҶОМИ ОСИЁ ОИД БА ФУТЗАЛ. Тоҷикистон бо ду ғалаба ва ду бохт бозиҳои Ҷоми Осиё-2022-ро анҷом дод
Дар Кӯлоб Мусобиқаи кушоди ҷумҳуриявӣ оид ба бокс доир шуд
Бо гузашти 15 сол дастаи мунтахаби футзали Тоҷикистон ба даври чорякниҳоии Ҷоми Осиё баромад
Ҳафтаи оянда дар Душанбе марҳилаи интихобии Ҷоми Осиё-2023 миёни дастаҳои наврасони то 17-сола доир мешавад
Мизбони Ҷоми Осиё-2024 оид ба футбол миёни дастаҳои олимпӣ эълон шуд

Хабарҳои муҳимтарин