Маҳмадтоир Зокирзода бо узви Маҷлиси миллии Ҷумҳурии Корея Со Бёнсу мулоқот намуд
ДУШАНБЕ, 22.08.2022 /АМИТ «Ховар»/. Имрӯз Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода бо Фиристодаи махсуси Президенти Ҷумҳурии Корея, узви Маҷлиси миллии Корея Со Бёнсу ва ҳамроҳони ӯ, ки бо сафари корӣ ба Тоҷикистон ташриф овардаанд, мулоқот намуд, хабар дод ба АМИТ «Ховар» котиби матбуоти Маҷлиси намояндагон Муҳаммадато Султонов.
Зимни мулоқот Маҳмадтоир Зокирзода иброз намуд, ки Тоҷикистон ҳамеша аз дастовардҳои Ҷумҳурии Корея хушҳол аст.
«Бо дарназардошти имконияти ҳалли масъалаҳои мубрами сиёсию иқтисодӣ ва иҷтимоии Тоҷикистон тавассути тавсеаву густариши ҳамкорӣ бо Ҷумҳурии Корея муносибатҳо миёни ду кишвар рӯз ба рӯз аҳамияти бештар касб намуда, ин тамоюл дар дурнамои наздик чунин боқӣ хоҳад монд», — тазаккур дод ӯ.
Маҳмадтоир Зокирзода роҷеъ ба ҳамкории дуҷониба афзуд, ки таҷрибаи Ҷумҳурии Корея дар татбиқи технологияҳои замонавии иттилоотию коммуникатсионӣ дар соҳаҳои гуногуни иҷтимоию иқтисодӣ ва фарҳангӣ метавонад мавриди омӯзиш ва истифодаи сохторҳои дахлдори Тоҷикистон қарор гирад. Бо мақсади ҷалби сармоя таъсиси корхонаҳои муштарак дар минтақаҳои озоди иқтисодии Тоҷикистон, ташкили намоишгоҳҳои маҳсулоти саноатии Ҷумҳурии Корея дар Ҷумҳурии Тоҷикистон ниҳоят муфид мебошад.
Раиси Маҷлиси намояндагон дар анҷоми мулоқот зиёд намудани бурсияҳои таҳсилиро барои донишҷӯёни тоҷик дар чаҳорчӯбаи барномаи бурсиявии глобалии Корея (Global Korean Scholarship) таъкид кард.
Инчунин худи ҳамин рӯз таҳти раёсати раиси кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот Саидмурод Фаттоҳзода мулоқоти аъзои гурӯҳи дӯстӣ ва ҳамкории Маҷлиси намояндагон бо гурӯҳи дӯстӣ ва ҳамкории Маҷлиси миллии Ҷумҳурии Корея баргузор гардид.
Дар мулоқот доир ба ҷанбаҳои гуногуни робитаҳои бисёрпаҳлӯи Тоҷикистон ва Ҷумҳурии Корея гуфтугӯи судманд сурат гирифт. Таваҷҷуҳи зиёд ба густариши ҳамкории байнипарлумонӣ, тиҷоратию иқтисодӣ ва сармоягузорӣ зоҳир гардид.
Дар мулоқот ҳамчунин аъзои гурӯҳи дӯстӣ ва ҳамкории Маҷлиси намояндагон бо гурӯҳи дӯстӣ ва ҳамкории Маҷлиси миллии Ҷумҳурии Корея иштирок намуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи Шурои коршиносию машваратии назди Шурои Ассамблеяи парламентии СААД баргузор гардид
Намояндагони парлумонҳои Осиёи Марказӣ масъалаҳои таъмини амнияти об, иқлим ва ҳифзи муҳити зистро баррасӣ карданд
Дар доираи Форуми чоруми байнипарлумонӣ ҷаласаи «Ҳамгироии иқтисодӣ, рушди устувор ва тавсеаи шарикии минтақавӣ» баргузор гардид
Рустами Эмомалӣ бо Раиси Курултайи Ҷумҳурии Қазоқистон Айбек Дадебай мулоқот намуданд
Дар Тоҷикистон Форуми чоруми байнипарламентии давлатҳои Осиёи Марказӣ баргузор гардид
Имрӯз дар Душанбе Форуми чоруми байнипарламентии давлатҳои Осиёи Марказӣ баргузор мешавад
Роҳбарони парламентҳои давлатҳои Осиёи Марказӣ бо шоҳкориҳои Театри миллии Тоҷикистон шинос шуданд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо Раиси Маҷлиси Туркманистон Дунягозел Гулманова мулоқот намуданд
Файзалӣ Идизода бо Раиси Маҷлиси Туркманистон Дунёгузел Гулманова вохӯрӣ намуд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Пешниҳодҳои Тоҷикистон дар ҷаласаи Комиссияи доимии Ассамблеяи байнипарламентии давлатҳои иштирокдори ИДМ дастгирӣ ёфтанд
Вакили Маҷлиси намояндагон дар ҷаласаи Комиссияи доимии Ассамблеяи байнипарлумонии давлатҳои ИДМ иштирок намуд
