Ғолибони мусобиқаи ҷумҳуриявӣ оид ба гӯштини дзюдо барои дарёфти ҷоизаҳои Расул Боқиев муайян шуданд

Август 23, 2022 15:57

ДУШАНБЕ, 23.08.2022 /АМИТ «Ховар»/. Аз 20 то 21 август дар толори Мактаби ҷумҳуриявии маҳорати олӣ оид ба намудҳои гӯштини шаҳри Душанбе Мусобиқаи ҷумҳуриявӣ оид ба гӯштини дзюдо миёни ҷавонон барои ҷоизаҳои Устоди шоистаи варзиши Тоҷикистон, ҷоизадори Бозиҳои олимпӣ Расул Боқиев баргузор шуданд, хабар медиҳад шореҳи варзиши АМИТ «Ховар» Меҳрони Қурбон бо истинод ба Кумитаи миллии олимпии Тоҷикистон.

Дар мусобиқаи мазкур паҳлавонони ҷавон аз ҳамаи минтақаҳои ҷумҳурӣ ширкат карда, тибқи қоидаҳои Федератсияи байналмилалии дзюдо дар ҳафт вазн миёни мардҳо сабқат намуданд. Дар натиҷа бештари медалҳоро варзишгарони шаҳри Душанбе сазовор шуданд. Варзишгарони пойтахт дар шаш вазн ғолиб шуданд. Як медали дигари тиллоро бародарзодаи Расул Боқиев- Алӣ Боқиев дар ҳайати дастаи Хатлон-1 ба даст овард.

Ғолибони дуюмин Мусобиқаи ҷумҳуриявӣ оид ба гӯштини дзюдо миёни ҷавонон барои ҷоизаҳои Расул Боқиев:

-60кг
1. Эҳсон САФАРЗОДА (Душанбе)
2. Сомон АЛАМОВ (Хатлон-2)
3. Идибеки АМИРШО (Душанбе)
3. Абдураҳим НАЗАРОВ (Душанбе)

-66кг
1. Хурсандқул КУГАНОВ (Душанбе)
2. Азим АСАДОВ (ШНТМ)
3. Абдуллои ОРИФ (Хатлон-2)
3. Муқтадири БОБОҶОН (Душанбе)

-73кг
1. Алӣ БОҚИЕВ (Хатлон-1)
2. Муҳаммадисо РАҶАБОВ (Душанбе)
3. Субҳиддин ХАЛИЛЗОДА (Душанбе)
3. Шоҳрухи САЙМУҲАММАД (Душанбе)

-81кг
1. Мизробшо ЛОИҚОВ (Душанбе)
2. Туйчибек ШАРИФОВ (Душанбе)
3. Сайфиддин БОЙМИРЗОЕВ (Хатлон-1)
3. Маҳмадамин ЭРНАЗАРОВ (ШНТМ)

-90кг
1. Ҷаҳонгир БОБОЕВ (Душанбе)
2. Аюбҷон МИРЗОЕВ (Душанбе)
3. Мақсуд РАҲМОНОВ (Душанбе)

-100кг
1. Исроил РАҲИМОВ (Душанбе)
2. Меҳроб ТАҒОЙМУРОДОВ (Душанбе)
3. Парвиз АБДУРАҲМОНОВ (Душанбе)
3. Юнус ҶОМАҲМАДОВ (ШНТМ)

+100кг
1. Иброҳим ЭЛМУРОДОВ (Душанбе)
2. Бобоҷон БОБОЕВ (Хатлон-2)
3. Бахтовар БОБОХОНОВ (Душанбе)
3. Толибҷон ТОИРОВ (ШНТМ)

Мавриди зикр аст, ки Расул Боқиев 29 сентябри соли 1982 дар шаҳраки Сомониёни ноҳияи Рӯдакӣ таваллуд шудааст. Нозукиҳои гӯштини миллӣ ва дзюдоро аз падараш – Мураббии хизматнишондодаи варзиши Тоҷикистон Худойназар Боқиев омӯхтааст.

Расул Боқиев соли 2008 дар Бозиҳои олимпии Пекин дар вазни -73кг сазовори медали биринҷӣ шуда буд. Ӯ ҳамчунин медали биринҷии Чемпионати ҷаҳон (2007, Рио-де-Жанейрои Бразилия), медали биринҷии Бозиҳои Осиё (2010, Гуанжоуи Чин), медали нуқра ва ду медали биринҷии Чемпионати Осиёро ба даст оварда, се маротиба ғолиби Ҷоми ҷаҳон гардидааст.

Расул Боқиев бо Фармони Президенти Ҷумҳурии Тоҷикистон 2 сентябри соли 2008 бо мукофоти давлатӣ — Ордени Шараф дараҷаи I сарфароз гардидааст.

АКС: КМО Тоҷикистон

Август 23, 2022 15:57

Хабарҳои дигари ин бахш

ДЗЮДО. Дар Душанбе Чемпионати Тоҷикистон байни калонсолон баргузор мешавад
30-СОЛАГИИ ҚУВВАҲОИ МУСАЛЛАҲ. Бахшида ба ин сана дар Душанбе мусобиқаи варзишӣ оид ба футболи хурд оғоз гардид
БАХШИДА БА МАҚОМИ БАЙНАЛМИЛАЛӢ ГИРИФТАНИ ГӮШТИНИ МИЛЛИИ ТОҶИКӢ. Дар ноҳияи Панҷ мусобиқаи гӯштингирӣ доир карда шуд
«ҶОМИ РУШД-2023». Дастаи мунтахаби наврасони Тоҷикистон (U-17) бозиро бо Русия мусовӣ кард
БА ИСТИҚБОЛИ 35-СОЛАГИИ ИСТИҚЛОЛИ ДАВЛАТӢ. Дар Хуҷанд Мактаби махсуси варзишӣ оид ба камонварӣ бунёд мегардад
Дар шаҳри Душанбе маросими ҷоизасупории соҳаи кор бо ҷавонон дар соли 2022 баргузор карда мешавад
ҶОМИ ФЕДЕРАТСИЯ-2023. Шаш дастаи иштирокчии қисми ниҳоии он муайян гардиданд
Ҷоизадори Бозиҳои олимпӣ Юсуф Абдусаломов мураббии нави дастаи мунтахаби Тоҷикистон оид ба гӯштини тарзи озод шуд
Роҳбарияти Федератсияи футболи Тоҷикистон дар Конгресси 33-юми Конфедератсияи футболи Осиё иштирок кард
Футболбози тоҷик расман бозигари дастаи «Думиенсе»-и Португалия шуд
ФУТБОЛ. Аҳтам Назаров фаъолияти худро дар дастаи «Андиҷон»-и Узбекистон идома медиҳад
Варзишгарони тоҷик дар Чемпионати Осиё оид ба варзиши сабук иштирок мекунанд