ПАНҶСОЛАИ РУШДИ САНОАТ. Дар Дарвоз корхонаҳои саноатии истеҳсоли масолеҳи сохтмонӣ ва макарон ба истифода дода мешаванд
ДУШАНБЕ, 22.08.2022 /АМИТ «Ховар»/. Дар доираи эълон гардидани Панҷсолаи рушди саноат (2022-2026) дар мамлакат дар остонаи ҷашни 31-умин солгарди Истиқлолияти давлатии Ҷумҳурии Тоҷикистон дар ноҳияи Дарвоз ду корхонаи нави саноатӣ ‐ корхонаи истеҳсоли масолеҳи сохтмонӣ ва макарон ба истифода дода мешаванд. Дар ин бора ба АМИТ «Ховар» дар мақомоти иҷроияи ҳокимияти давлатии Вилояти Мухтори Кӯҳистони Бадахшон (ВМКБ) иттилоъ доданд.
Раиси ВМКБ Алишер Мирзонабот зимни сафари корӣ ба ноҳияи Дарвоз бо ҷараёни бунёди ду корхонаи нави саноатӣ ‐ корхонаи истеҳсоли масолеҳи сохтмонӣ ва макарон шинос гардид. Зикр гардид, ки минбаъд дар сохтмонҳо танҳо масолеҳи истеҳсоли корхонаҳои маҳаллӣ истифода шавад.
Раиси вилоят бунёди корхонаҳои саноатиро дар ноҳия амалигардонии ҳадафи чоруми стратегии кишвар‐саноатикунонии босуръати мамлакат унвон карда, бобати тезонидани кор дар ин иншоот ба масъулин ва роҳбарияти ноҳия супоришҳои мушаххас дод.
Ҳамчунин дар мавзеи Дуробаки ноҳияи Дарвоз ҶДММ «Меваҳои Бадахшон» фаъолият мекунад, ки ба истеҳсол ва банду басти маҳсулоти мевагӣ тавассути технологияи муосир равона шудааст.
Дар ноҳия коргоҳҳои коркард ва банду басти асал, истеҳсоли обҳои ташнагишикан, истеҳсоли сарпӯшҳои муҳофизатии сохтмонӣ (каска) ва коргоҳи маҳлулҳои антисептикӣ фаъолият менамоянд.
Раиси Вилояти Мухтори Кӯҳистони Бадахшон Алишер Мирзонабот аз фаъолияти коргоҳҳои мазкур изҳори қанотмандӣ карда, масъулинро вазифадор намуд, ки баҳри афзун намудани истеҳсоли маҳсулоти воридотивазкунанда тадбирҳои амалӣ андешанд.
Акс: ВМКБ
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
Сохтмони муҷассама дар гардиши дараи Алмосии шаҳри Ҳисор ба анҷом мерасад
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
