«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
ХОРУҒ, 09.08.2022 /АМИТ «Ховар»/. Дар Театри мусиқӣ-мазҳакавии ба номи Меҳрубон Назарови шаҳри Хоруғи Вилояти Мухтори Кӯҳистони Бадахшон даври вилоятии озмуни ҷумҳуриявии «Тоҷикистон- Ватани азизи ман» бо ширкати 160 нафар довталабон аз рӯи номинаҳои навозандагӣ, сарояндагӣ ва бастакорӣ оғоз гардид, хабар медиҳад мухбири минтақавии АМИТ «Ховар» Файз МИРАСАН.
Сардори шуъбаи фарҳанги вилоят Гулдасташо Амирхонов гуфт, ки “дар партави сиёсати фарҳангпарваронаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соли сеюм аст, ки дар саросари мамлакат бо мақсади дарёфти истеъдодҳои нав дар соҳаи санъати мусиқӣ, баланд бардоштани маҳорати касбӣ, тақвият бахшидан ба ҳунари баланди иҷрокунандагӣ, сатҳи касбии асарҳои нави мусиқӣ, интихоби намунаҳои беҳтарини оҳангу суруд Озмуни ҷумҳуриявии «Тоҷикистон — Ватани азиз ман» гузаронида мешавад».
Дар даври аввалу дуюм чандин нафар кӯдакону наврасон ва одамони касбу кори гуногун ширкат намуданд, ки аксарияташон бори аввал рӯи саҳна ҳунарнамоӣ намуда, барои тамошобинон ноошно буданд. Зеро яке аз ҳадафҳои асосии ин озмун — пайдо намудани истеъдодҳои нав миёни ҷомеа ва минбаъд ташаккулу такмил додани ҳунари онҳо мебошад.
Даврҳои қаблии озмун аз он шаҳодат доданд, ки дар деҳоти дурафтода сарояндагону навозандагони бомаҳорат хеле зиёданд, аммо бо сабабҳои мухталиф аз назарҳо пинҳо мондаанд. Ин озмун барояшон шароит фароҳам овард, ки аз ҳунару маҳорат ва истеъдоди худ ба тамошобинон дарак диҳанд. Агар дар даври вилоятӣ пирӯз шаванд, он гоҳ имкон доранд, ки дар саросари мамлакат маъруфу машҳур шаванд.
Раиси ҳайати ҳакамони даври вилоятии Озмуни ҷумҳуриявии «Тоҷикистон — Ватани азизи ман» зимни ифтитоҳи озмун гуфт, ки «Бадахшон яке аз минтақаҳои санъатпарвари кишвар аст, ки навозандагону сарояндагонаш на танҳо дар кишвар, балки дар сатҳи ҷаҳонӣ фарҳанги асили тоҷиконро муаррифӣ менамоянд. Ҳайати ҳакамон кӯшиш мекунанд, ки аз миёни садҳо нафар довталабон беҳтаринҳоро баргузида, ба озмуни ҷумҳуриявӣ роҳхат диҳанд».
Мутобиқи низомнома, довталабон бояд зебоии табиати Тоҷикистон, ишқу ҷавонӣ, васфи Ватану ватандӯстӣ, ғояҳои истиқлолияту озодӣ, сулҳу субот, ваҳдату якпорчагии Тоҷикистон, симоҳои барҷастаи миллат ва ҷашнҳои муқаддасу миллиро тараннум намоянд.
АКС: АМИТ «Ховар»
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
