Зодаи Тоҷикистон Суҳроб Ҳоҷиматов муовини Намояндаи доимии Барномаи рушди СММ дар Қазоқистон таъйин гардид

Август 15, 2022 12:16

ДУШАНБЕ, 15.08.2022 /АМИТ «Ховар»/. Зодаи Тоҷикистон Суҳроб Ҳоҷиматов муовини Намояндаи доимии Барномаи рушди СММ (БРСММ, UNDP) дар Қазоқистон таъйин гардид, хабар медиҳад АМИТ «Ховар» бо истинод ба сомонаи БРСММ.

Гуфта мешавад, ки солҳои охир Ҳоҷиматов муовини раиси дафтари ин созмон дар Туркия ва роҳбари Барномаи рушди Созмони Милал дар Озарбойҷон буд.

Суҳроб Ҳоҷиматов беш аз 25 сол таҷрибаи кор дар масоили рушд ва раҳбарии лоиҳаҳо дар созмонҳои байналмилалӣ, муассисаҳои давлатӣ ва дар бахши хусусиро дорад.

Суҳроб Ҳоҷиматов риштаи ҳуқуқшиносии Донишгоҳи миллии Тоҷикистон хатм карда, баъдан дар Донишгоҳи умумирусиягии адлия дар шаҳри Маскав ва коллеҷи миллии додгоҳии Невадаи Амрико таҳсил кардааст.

Ӯ собиқаи кориашро ба ҳайси муфаттиш дар Додситонии кулли Тоҷикистон оғоз кард, вале хеле зуд ба созмонҳои байналмилалӣ гузашт. Суҳроб Ҳоҷиматов чандин сол дар мақомҳои раҳбарӣ дар тарҳҳои USAID (Агентии рушди байналмилалии Амрико) оид ба рушди ҳуқуқию иқтисодӣ дар Тоҷикистон кор кард ва сипас ба UNDP — Барномаи рушди Созмони Милал гузашт.

Акс: UNDP

Август 15, 2022 12:16

Хабарҳои дигари ин бахш

Дар Душанбе дурнамои ҳамкории Тоҷикистон ва Қазоқистон баррасӣ карда шуд
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Дар Москва Парчами давлатии Тоҷикистон ба ифтихори 34-солагии Истиқлолият намоиш дода мешавад
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Тоҷикистон ва Эрон ҳамкориро дар соҳаи китобдорӣ ва фарҳанг густариш медиҳанд
Тоҷикистон ва Ҷопон масъалаҳои муҳими ҳамкориро баррасӣ намуданд
Дар Душанбе дурнамои равобити Тоҷикистон ва Иттиҳоди Аврупо баррасӣ гардид
9 сентябр шаршараи Ниагара бо рангҳои Парчами давлатии Ҷумҳурии Тоҷикистон фурӯзон хоҳад шуд
Ҳамкории судманди Тоҷикистон ва сохторҳои Созмони Милали Муттаҳид баррасӣ карда шуд
Дар Женева самтҳои муҳими ҳамкории Тоҷикистон бо UNHCR баррасӣ карда шуданд
Байни ҳукуматҳои Тоҷикистон ва Ҷопон доир ба лоиҳаи «JDS» Ёддоштҳои табодулӣ ба имзо расиданд
Дурнамои рушди муносибатҳои минтақаҳои Тоҷикистон ва минтақаи Приморски Русия дар бахшҳои гуногун баррасӣ шуд