Стратегияи миллии фарогирии молиявии Ҷумҳурии Тоҷикистон барои солҳои 2022-2026 мавриди татбиқ қарор гирифт

Сентябрь 21, 2022 10:40

ДУШАНБЕ, 21.09.2022 /АМИТ «Ховар»/. 20 сентябр дар шаҳри Душанбе маросими оғози татбиқи Стратегияи миллии фарогирии молиявии Ҷумҳурии Тоҷикистон барои солҳои 2022-2026 ба кор оғоз кард. Дар ин бора ба АМИТ «Ховар» дар Бонки миллии Тоҷикистон хабар доданд.

Дар расми ифтитоҳи он Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода, Раиси Бонки миллии Тоҷикистон Ҳоким Холиқзода, муовини Раиси Бонки миллии Тоҷикистон Гулбаҳор Назирӣ, Вазири адлияи Ҷумҳурии Тоҷикистон Музаффар Ашӯриён, Вазири молияи Ҷумҳурии Тоҷикистон Файзиддин Қаҳҳорзода ва дигар шарикони ҳамкор ширкат варзиданд.

Зикр шуд, ки стратегияи мазкур дар асоси меъёр ва принсипҳои қонунгузорӣ, стандартҳои байналмилалӣ, таҳлили вазъи фарогирии молиявӣ ва дурнамои рушди минбаъдаи он аз ҷониби Бонки миллии Тоҷикистон дар мувофиқа бо вазорату идораҳои дахлдор ва шарикони ҳамкор таҳия ва тасдиқ шудааст.

Ҳоким Холиқзода дар ҳамоиш изҳор дошт, ки Бонки миллии Тоҷикистон бо мақсади таъмини устувории низоми бонкӣ, баланд бардоштани маърифати молиявии аҳолӣ дар самти истифодаи хизматрасониҳои муосири бонкӣ ва ба ин васила саҳм гузоштан дар рушди иқтисодиёти миллӣ ва фарогирии аҳолӣ ба хизматрасониҳои молиявӣ тадбирҳои зарурӣ андешида, Стратегияи миллии фарогирии молиявии Ҷумҳурии Тоҷикистонро барои солҳои 2022-2026 таҳия намуд, ки он бо қарори Ҳукумати Ҷумҳурии Тоҷикистон аз 1 июли соли 2022 тасдиқ гардид.

Ёрдамчии Президенти Ҷумҳурии Тоҷикистон оид ба масъалаҳои иқтисодӣ Неъматулло Ҳикматуллозода иброз намуд, ки «фарогирӣ ва саводнокии молиявӣ яке аз самтҳои афзалиятноки сиёсати молиявии давлат маҳсуб шуда, татбиқи самараноки стратегияи мазкур имконоти иқтисодии соҳибкорону дигар субъектҳои хоҷагидориро васеъ мегардонад ва ба ин восита ба рушди иқтисоди миллӣ заминаи мусоид фароҳам меорад». Неъматулло Ҳикматуллозода ба Корпоратсияи байналмилалии молиявӣ (IFC), Котиботи давлатии робитаҳои иқтисодии Швейтсария (SECO) барои дастгирӣ ҷиҳати таҳия ва қабули ин санади муҳим барои Ҷумҳурии Тоҷикистон арзи сипос намуд.

Муаррифии расмии «Стратегияи миллии фарогирии молиявии Ҷумҳурии Тоҷикистон барои солҳои 2022-2026»-ро муовини Раиси Бонки миллии Тоҷикистон Гулбаҳор Назирӣ манзури ҳозирин гардонида, оид ба ҷабҳаҳои калидӣ, мақсад, нишондиҳандаҳо, амалҳо, муҳлат ва сохтори идоракунии стратегияи мазкур маълумот дод. Зимни муаррифӣ Гулбаҳор Назирӣ самтҳои асосии стратегия, аз ҷумла шабакаҳои таҳвил ва хизматрасониҳои молиявии рақамӣ, гуногуншаклии маҳсулоти молиявӣ, ҳимояи ҳуқуқҳои истеъмолкунандагони хизматрасониҳои молиявӣ ва саводнокии молиявиро муфассал шарҳ дод. Зикр шуд, ки зимни таҳияи ҳуҷҷати мазкур ҳуқуқу имконияти занону ҷавонон ва қишри калонсоли ҷомеа низ ба инобат гирифта шудааст.

Стратегияи миллии фарогирии молиявии Ҷумҳурии Тоҷикистон барои солҳои 2022-2026 аз ҷониби Бонки миллии Тоҷикистон бо кумаки техникии Гурӯҳи Бонки ҷаҳонӣ/ Корпоратсияи байналмилалии молиявӣ (IFC), Котиботи давлатии робитаҳои иқтисодии Швейтсария (SECO) дар ҳамкорӣ бо вазорату идораҳои дахлдор, таҳвилгарони хизматрасониҳои молиявӣ, намояндагони бахши хусусӣ, олимон ва ҷомеаи шаҳрвандӣ таҳия гардидааст.

АКС: Бонки миллии Тоҷикистон

Сентябрь 21, 2022 10:40

Хабарҳои дигари ин бахш

Хайринисо Идрисова: «Дастарӣ ба маблағи гранти президентӣ имкон дод, ки фаъолияти ҳунармандиямро васеъ намоям»
Панҷакент — яке аз аввалин шаҳрҳои Тоҷикистон, ки дар солҳои соҳибистиқлолӣ аз шаҳри аграрӣ ба саноативу аграрӣ табдил ёфт
Дар Душанбе оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 баррасӣ гардид
Дастовардҳои Тоҷикистон дар Форуми иқтисоди рақамии Созмони ҳамкории Шанхай-2025 муаррифӣ гардид
Дар ноҳияи Данғара корхонаи истеҳсоли маҳсулоти саноатӣ сохта мешавад
Имсол дар Бадахшон 45 корхонаву коргоҳҳои саноатӣ ба фаъолият оғоз намуд
Ҳайати Тоҷикистон дар ҷаласаи маҳдуди сатҳи вазирони иқтисоди СҲШ дар Чин иштирок намуд
Иттиҳоди Аврупо дар Тоҷикистон лоиҳаҳои соҳаи энергетикаро амалӣ менамояд
Дар Вазорати рушди иқтисод ва савдои Тоҷикистон татбиқи ташаббуси ҷаҳонии «Global Gateway» баррасӣ гардид
ҚУРБИ АСЪОР: дар Тоҷикистон 1 евро аз 11.3228 то 11.3000 сомонӣ муқаррар шудааст
ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд