Ҳаҷми маҳсулоти умумии кишоварзии вилояти Хатлон дар сатҳи 106-107 фоиз таъмин гардид

Сентябрь 28, 2022 10:35

ДУШАНБЕ, 28.09.2022 /АМИТ «Ховар»/. Кишоварзони вилояти Хатлон дар татбиқи «Барномаи амнияти озуқавории вилоят давоми солҳои 2020-2022» корҳои мушаххас ба анҷом расониданд ва дар ин давра ҳаҷми маҳсулоти умумии кишоварзӣ дар сатҳи 106-107 фоиз таъмин гардид. Дар ин бора 27 сентябр зимни Иҷлосияи  16-ум, даъвати шашуми Маҷлиси вакилони халқи вилоят иброз гардид.

Зикр шуд, ки дар давраи моҳҳои январ-сентябр 1172 гектар заминҳои холимонда, 358 гектар заминҳои партов, 269 гектар чарогоҳ, 33 гектар дигар заминҳо, дар маҷмӯъ, 1832 гектар замин дар вилоят ба гардиши кишоварзӣ ворид карда шудааст. Зиёда аз 20 ҳазор гектар заминҳои байни боғу токзор, партов, чарогоҳ ва дигар заминҳо ба кишти зироати гуногуни кишоварзӣ фаро гирифта шудаанд.

Бо мақсади таъмини иҷрои «Барномаи амнияти озуқавории Ҷумҳурии Тоҷикистон барои солҳои 2020-2024» Маҷлиси вакилони халқи вилояти Хатлон қарори дахлдор қабул кард.

Аз ҷумла, мақомоти иҷроияи ҳокимияти давлатии шаҳру ноҳияҳо вазифадор карда шуданд, ки вобаста ба интихоб, дарёфт ва амалӣ намудани кишти навъҳои серҳосили зироати кишоварзии ба шароити тағйирёбии иқлим ва коркарди саноатӣ мутобиқ, зиёд намудани теъдоди сардхонаҳои муосири нигоҳдории маҳсулоти растанипарварию чорводорӣ ва таъмини захираи на кам аз 15-20%-и талаботи истеъмолии аҳолӣ, офаридани навъҳои сермаҳсули зироати кишоварзӣ ва ҷорӣ намудани онҳо дар истеҳсолот дар асоси технологияҳои инноватсионии парвариш чораҷӯӣ намоянд.

Дар  ҷамъбасти иҷлосия шаҳру ноҳияҳое, ки дар ҷамъоварии   бистрӯзаи ҳосили пахтаи соли  2022 ба пешравӣ ноил шудаанд, бо Ифтихорномаву мукофотпулиҳои Мақомоти иҷроияи ҳокимияти давлатии вилояти Хатлон қадрдонӣ шуданд.

Аз ҷумла, шаҳри  Левакант сазовори ҷойи якум (20 000 сомонӣ), ноҳияи Данғара  ҷои дуюм (15 000 сомонӣ)  ва  ноҳияи Дӯстӣ  ҷои  сеюм (10 000 сомонӣ)   гаштанд.

АКС: Мақомоти иҷроияи ҳокимияти давлатии вилояти Хатлон

Сентябрь 28, 2022 10:35

Хабарҳои дигари ин бахш

ТОҶИКИСТОН — САРЗАМИНИ ПУР АЗ ГАНҶ. Вале боигариҳои он кам омӯхта шуда, истихроҷу коркарди онҳо ба мутахассисони баландпоя ниёз дорад
Натиҷаҳои бадастоварда дар ҳошияи Конфронси 27-уми тарафҳои Конвенсияи қолабии СММ оид ба тағйирёбии иқлим баррасӣ шуданд
Соли 2023 барои рушди иқтисоди воқеии Тоҷикистон ҷудо гардидани 12,6 млрд сомонӣ дар назар аст
Дар Узбекистон содироти гази моеъро пурра манъ карданд
Корхонаи ресандагии «Арвис Зелал Текстайл»-и Мастчоҳ пас аз васлу насби таҷҳизот ба фаъолият оғоз кард
Муовини Сарвазири Тоҷикистон дар ноҳияи Ашт бо ҷараёни корҳои сохтмонӣ шинос шуд
Вазорати кишоварзии Тоҷикистон: Дар ҷумҳурӣ қариб як миллион тонна ғалла ҷамъоварӣ шудааст
Дар Ҳиндустон банкомат оид ба фурӯши тилло ба кор даромад
Муассисаҳои иҷтимоию иқтисодии вилояти Хатлон барои гузаронидани фасли зимистон омодаанд
Бонки миллии Тоҷикистон: дар даҳ моҳи соли 2022 муътадилии нишондиҳандаҳои макроиқтисодӣ таъмин карда шуд
Бахшида ба Рӯзи кормандони мақомоти молия дар Донишгоҳи давлатии молия ва иқтисод конференсия баргузор шуд
Дар Душанбе масъалаи рушди «иқтисоди сабз» дар Тоҷикистонро баррасӣ намуданд

Маводҳои таҳлилӣ