Ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои узви ИДМ доир гардид

Сентябрь 22, 2022 16:06

ДУШАНБЕ, 22.09.2022. /АМИТ «Ховар»/. Саридораи геологияи назди Ҳукумати Ҷумҳурии Тоҷикистон фаъолияти худро дар асоси «Барномаи давлатии рушди соҳаи геологияи Ҷумҳурии Тоҷикистон барои солҳои 2021-2030» ба роҳ монда, сиёсати давлатиро дар идора, танзими омӯзиши геологии қаъри замин ва истифодаи оқилонаи захираҳои ашёи минералӣ амалӣ намуда истодааст. Ин матлабро имрӯз сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода зимни ҷаласаи XXV Шӯрои байниҳукуматӣ оид ба иктишоф, истифода ва ҳифзи қаъри замини давлатҳои узви ИДМ баён дошт.

Зикр шуд, ки мақсад аз барнома- татбиқи сиёсати давлатӣ барои  муайян намудани самтҳои асосии омӯзиши геологӣ, азнавбарқароркунӣ, истифода ва ҳифзи захираҳои ашёи минералӣ, назорати равандҳои хатарноки геологӣ, омӯзиш ва мониторинги обҳои зеризаминӣ  ва гузариш ба стандартҳои байналмилалии ҳисобот (кодекси JORC ва қолаби CRIRSCO) ва ҳисоби захираҳо бо истифода аз барномаҳои муосири компютерии кӯҳӣ-геологӣ мебошад.

Дар кори ҷаласаи мазкур намояндаи Ҳукумати Ҷумҳурии Тоҷикистон Ҷамшед Бобозода, намояндагони ваколатдор ва коршиносони Шўрои байниҳукуматӣ, сардорону масъулони соҳаи геологияи кишварҳои узви ИДМ ширкат варзиданд.

Зикр шуд, ки муҳимтарин фаъолияти Шӯро рушди ҳамкорӣ дар соҳаи омӯзиш, иктишоф, истифода ва ҳифзи сарватҳои зеризаминии ИДМ дар самтҳои зерин мебошад:

-омӯзиши геологии минтақаҳои сарҳадӣ, тартиб додани харитаҳои муттаҳидшудаи мазмуни геологӣ ва арзёбии иқтидори минералогӣ;

-гузарондани тадқиқоти умқи геологӣ ва геофизикӣ, инчунин такмил додани усулҳо ва технологияи аз масофа парма кардани замин;

такмили методологияи коркарди навъҳои нави маъданҳои ғайримуқаррарӣ;

-ҳалли проблемаҳои вазъияти фавқулодаи табиӣ ва техногенӣ, инчунин масъалаҳои мелиоратсия ва муҳофизати сарватҳои зеризаминӣ ва дигар маҳалҳо.

Дар ҷараёни ҷаласа роҳбарони мақомоти геологияи ИДМ оид ба ҷараёни иҷрои «Нақшаи дурнамои ҳамкорӣ оид ба иктишоф, истифода ва ҳифзи қаъри замини давлатҳои иштироккунандаи ИДМ» ва қарори ҷаласаи Шӯрои байниҳукуматӣ оид ба иктишоф, истифода ва ҳифзи қаъри замини давлатҳои аъзои Иттиҳоди Давлатҳои Мустақил ҳисобот доданд.

Аз ҷумла, сардори Саридораи геологияи назди Ҳукумати Ҷумҳурии Тоҷикистон доир ба натиҷаҳои фаъолияти саридора ҷиҳати иҷрои қарорҳои ҷаласаи XXIV Шӯрои байниҳукуматӣ ва ҷараёни татбиқи лоиҳаҳои муштарак  маълумот дод.

Яке аз лоиҳаҳо- ин тартиб додани харитаи геологӣ миёни Тоҷикистон ва Узбекистон мебошад.

Дар ҷаласа сардори Саридораи геологияи назди Ҳукумати Ҷумҳурии Тоҷикистон Илҳомҷон Оймуҳаммадзода ба Раиси Кумитаи давлатии Ҷумҳурии Узбекистон оид ба геология ва захираҳои минералӣ Бобир Исломов  барои раёсати муваффақона дар Иттиҳоди Давлатҳои Мустақил изҳори сипос намуд.

Ёдовар мешавем, ки ҷаласаи XXIV Шӯрои байниҳукуматӣ оид ба иктишоф, истифода ва ҳифзи қаъри замини  давлатҳои узви Иттиҳоди давлатҳои мустақил 20-21 октябри соли 2021 дар шаҳри Тошканди Ҷумҳурии Узбекистон доир гардид ва раёсат дар соли 2022 ба таври расмӣ аз Узбекистон ба Тоҷикистон вогузор шуд.

Зарангези ЛАТИФ,
АМИТ «Ховар» 

АКС: АМИТ «Ховар»

Сентябрь 22, 2022 16:06

Хабарҳои дигари ин бахш

30-СОЛАГИИ ИҶЛОСИЯИ XVI ШӮРОИ ОЛӢ. ҲХДТ таҳти унвони «30 соли созандагӣ бо Пешвои муаззами миллат» Конференсияи ҷумҳуриявии илмӣ-назариявӣ доир менамояд
«ИН ҚАДАР ШИРИНУ ДИЛБАНД АСТ ОН…». Забони давлатӣ симо ва пайкари миллат мебошад
ДАЪВАТИ ТИРАМОҲӢ. Артиши миллӣ-мактабе, ки дарси садоқату вафо, ватандӯстӣ, шарафмандию ҷавонмардӣ меомӯзад
ОБУ ҲАВО: Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
Дар Академияи ВАО доир ба публитсистика ва баъзе масъалаҳои он дар замони истиқлолият ҳамоиш доир шуд
«Пешвои миллат: «Забон муҳимтарин унсури ҳастӣ ва бақои миллат аст»»,-шарҳи матбуоти даврии Тоҷикистон
«БИШНАВ АЗ НАЙ…». Дар Кӯлоб ба муносибати Рӯзи Мавлоно Ҷалолиддини Балхӣ ҳамоиши ҷашнӣ баргузор гардид
Дар иҷлосияи дувоздаҳуми Маҷлиси вакилони халқи вилояти Суғд барномаҳои мақсадноки давлатӣ баррасӣ шуданд
Пешвои миллат: «Ман ба ин забони шевои шоирона сидқан арҷ мегузорам, ин гавҳари хушоб ва дурри ҷаҳонтобро пайваста ситоиш ва тарғиб менамоям»
ОБУ ҲАВО: Имрӯз дарТоҷикистон ҳавои тағйирёбандаи бебориш дар назар аст