ҲАМЛАИ ТАҶОВУЗКОРОНАИ ҚИРҒИЗИСТОН. Қирғизтаборони ноҳияи Мурғоб: «Тоҷикистон дар ягон ҳолат бо миллату халқияте муносибати неки ҳамсоядориро вайрон накардааст»
ДУШАНБЕ, 20.09.2022 /АМИТ «Ховар»/. «Мо, сокинони ноҳияи Мурғоб аз ҳодисаҳои ноҳияи Исфараи вилояти Суғд сахт андӯҳгин буда, амалҳои нопоки сарҳадбонони қирғизро маҳкум менамоем. Зеро Қирғизистон бо мақсади нопоки худ ба сӯи аҳолии осоиштаи ноҳияҳои ҳамсарҳади Тоҷикистон тир холӣ кард. Ин амалу рафтори онҳо барвақт тарҳрезӣ шуда, нақшаеро инъикос менамояд, ки ҳаёти осоиштаи ду минтақаи бо ҳам ҳамсояро ноором созад. Қирғизистон бояд дарк намояд, ки ин ҷанг ба онҳо манфиате намеорад», — чунин омадааст дар муроҷиатномаи қирғизтаборони ноҳияи Мурғоби Вилояти Мухтори Кӯҳистони Бадахшон, ки ба АМИТ «Ховар» расид.
Дар муроҷиатнома инчунин омадааст, ки ба ин ҳодиса мардуми қирғиз аллакай дар ҳамаи шабакаҳои иҷтимоӣ чун айби роҳбарияти Қирғизистон баҳо додаанд. Чуноне ки худи шаҳрвандони Ҷумҳурии Қирғизистон зикр намудаанд, «мо халқи азияткашида ва бисёр камбизоат ҳастем. Мо ҷангро асло бо кишвари ҳамсояи Тоҷикистон, ки бо бисёриашон хешу табор шудаем, намехоҳем».
Таърих гувоҳ аст, ки миллати тоҷик миллати сулҳхоҳу сулҳҷӯ ва халқпарвари асил буда, ҳамеша бо давлатҳои ҳамсарҳади худ пайванди ногусастанӣ дорад. Дар ягон ҳолат тоҷикон бо дигар миллату халқият муносибаташонро вайрон накардаву ҳамеша барои пойдории сулҳу дӯстӣ кӯшиши зиёд намудаанд.
«Мо, ду халқи бо ҳам дӯсти ноҳияи Мурғоб — тоҷикону қирғизон солиёни зиёд мешавад, ки бо ҳам дар фазои сулҳу субот зиндагӣ ба сар бурда, дар тӯли таърих бо ҳам робитаи нек ва ибратомӯз доштаем, ки ин робитаҳо ҳанӯз ҳам пойдоранд. Мутаассифона, бархе гурӯҳҳои ноогоҳ мехоҳанд бо бозиҳои иғвоангези худ ҳаёти осоиштаи сокинонро ноором созанд. Имрӯз моро зарур аст, ки зиракии сиёсиро аз даст надода, дӯстиву рафоқат ва ҳамкориро пешаи худ намуда, кӯшиш намоем, ки муносибати неку бародаронаамонро нигоҳ дорем. Танҳо муносибати неки инсондӯстонаи ду миллат метавонад садди роҳи ҳамаи мушкилот бошад», — гуфта мешавад дар хотимаи муроҷиатномаи сокинони ноҳияи Мурғоби Вилояти Мухтори Кӯҳистони Бадахшон.
АКС: МИҲД н. Мурғоб
СОЛИ МАЪРИФАТИ ҲУҚУҚӢ. Суд метавонад аз ҳисоби падару модар ба манфиати фарзанд то 20-24-солагӣ алимент ситонад
Дар Тоҷикистон лоиҳаи «Навсозии ҳифзи иҷтимоӣ ва ҳамгироии иқтисодӣ» татбиқ мегардад
«НАҚШИ ҶАВОНОН ДАР ТАҲКИМИ ИСТИҚЛОЛИЯТИ ДАВЛАТӢ». Таҳти ин унвон ҳамоиши ҷавонон доир шуд
Лоиҳаи навсозии ҳифзи иҷтимоӣ ва ҳамгироии иқтисодӣ баррасӣ шуд
Дар Тоҷикистон барномаи омӯзишии «Пешгирӣ, ташхис, табобат ва вокуниш ба бемории обилаи маймун» амалӣ мегардад
Нақши воситаҳои ахбори омма дар татбиқи сиёсати ҳуқуқии мамлакат назаррас аст
Дар муассисаҳои олии Тоҷикистон бо иштироки коршиносони Шурои байнидавлатии муқовимат ба коррупсияи давлатҳои ИДМ дарсҳои озод доир шуданд
Дар шаҳри Душанбе вазъи хизматрасонӣ ба модару кӯдак таҳлил гардид
Дар Душанбе ҷаласаи вазирони давлатҳои аъзои Созмони ҳамкории иқтисодӣ оид ба коҳиши хатари офатҳои табиӣ баргузор гардид
СОЛИ МАЪРИФАТИ ҲУҚУҚӢ. Агар волидон то 3 моҳ барои кӯдак шаҳодатномаи таваллуд нагиранд, ҷарима пардохт менамоянд
Бо татбиқи «Барномаи рушди муассисаҳои табобатии давлатии Ҷумҳурии Тоҷикистон барои солҳои 2022-2025» сатҳу сифати хизматрасонии тиббӣ ба аҳолӣ беҳтар гардид
СОЛИ МАЪРИФАТИ ҲУҚУҚӢ. Ҷавҳари ҷомеаи шаҳрвандӣ дар асоси риояи ҳуқуқи инсон ва волоияти қонун устувор мегардад
