Дар Чин бар асари заминларза беш аз 40 нафар ба ҳалокат расиданд

Сентябрь 6, 2022 10:23

ДУШАНБЕ, 06.09.2022. /АМИТ «Ховар»/. Теъдоди қурбониён заминларза бо шиддати  6,8 балл, ки дирӯз, 5 сентябр дар вилояти Сичуани Чин рух дод, ба 46 нафар расид ва беш аз 30 нафар захмӣ шуданд. Дар ин бора АМИТ «Ховар» бо истинод ба Телевизиони марказии Ҷумҳурии Мардумии Чин хабар медиҳад.

Дар натиҷаи заминларза бо шиддати 6,8 балл, ки рӯзи  душанбе дар вилояти Сичуани Чин рух дод, 46 нафар ҳалок шуданд. Ҷасади 29 нафар дар ҳавзаи мухтори Гардзе-Тибет ва 17 нафар дар ҳавзаи шаҳрии Яан пайдо карда шуд. Зиёда аз 50 нафар маҷрӯҳ шуда, 16 нафари дигар бедарак гардидаанд.

Дар маҷмӯъ беш аз 50 000 нафар дар ҳавзаи мухтори Гардзе-Тибет ва ҳавзаи шаҳрии Яан муваққатан ҷойгир карда шудаанд.

Ба иттилои телевизион, дар вилоят роҳҳо, хатҳои барқ ​​ва зерсохтори иртибототӣ вайрон шудаанд. Зарардидагон дар беморхона бистарӣ гардидаанд. Наҷотдиҳандагон ҷустуҷӯи афроди зери харобаҳоро идома медиҳанд.

Маркази зилзилашиносии Чин дар ҳавзаи мухтори Гардзе-Тибет, ки дар он беш аз 1 миллиону 100 ҳазор нафар зиндагӣ мекунанд, такконҳои зеризаминии ба қайд гирифт. Маркази заминларза дар ноҳияи Лудин дар умқи 16 километр ҷойгир будааст.

Акс:ЕРА

Сентябрь 6, 2022 10:23

Хабарҳои дигари ин бахш

Созмони ҷаҳонии метеорологӣ: бо норасоии об дар оянда зиёда аз панҷ миллиард нафар сокинони сайёра рӯбарӯ хоҳанд шуд
Мақомоти Чин аз пиронсолон даъват менамояд, ки бар зидди COVID-19 ваксина бигиранд
Дар Синтзян бар асари сармо 7 нафар ҳалок шудаанд
Мақомоти Ҷопон вазъи буҳронии сатҳи таваллуд дар кишварро дар соли 2022 эълон доштанд
Бар асари лағжиши ярч дар яке аз ҷазираҳои Италия беш аз даҳ нафар бедарак шудаанд
Ҳиндустон қоидаҳои нави вуруди шаҳрвандони хориҷиро ҷорӣ намуд
Хадамоти изтирории Арабистони Саудӣ пайомадҳои обхезии шадидро бартараф мекунад
Имрӯз маросими савгандёдкунии Президенти Қазоқистон Қосим-Жомарт Токаев баргузор мешавад
Дар Қирғизистон бинои парлумон оташ гирифт
Беш аз 6 миллион нафар дар Украина бе барқ монданд
Дабири кулли СММ бар он назар аст, ки ҷомеаи ҷаҳонӣ дар буҳрон қарор дорад
Наташа Пиртс-Мусар дар интихоботи президентии Словения пас аз шумориши садфоизаи овозҳо пирӯз гардид