Дар Душанбе бахшида ба Рӯзи Рӯдакӣ ҳамоиш баргузор мешавад

Сентябрь 21, 2022 13:25

ДУШАНБЕ, 21.09.2022 /АМИТ «Ховар»/. Ҳамасола  22 сентябр дар Тоҷикистон  Рӯзи Рӯдакӣ таҷлил ва ба бузургдошти шоири тавоно, қофиласолор ва бунёдгузори адабиёти тоҷику форс Абуабдуллоҳи Рӯдакӣ бахшида мешавад.

Бахшида ба ин рӯз 23 сентябр дар Институти забон ва адабиёти  ба номи Рӯдакӣ таҳти унвони «Шеъри Рӯдакӣ: таҳқиқ, тарҷума ва нашри он дар Шарқ ва Ғарб» ҳамоиши илмӣ баргузор мешавад.

Тавре дар институти мазкур ба АМИТ  «Ховар» хабар доданд, дар ҳамоиш дар мавзӯъҳои «Устод Рӯдакӣ ва фарҳангнигорӣ», «Тадқиқоти оғозин дар бораи устод Рӯдакӣ ва мулоҳизаҳо дар атрофи он», «Соматизмҳо дар шеъри устод Рӯдакӣ», «Мулоҳизаҳо перомуни «Калила ва Димна», «Тарҷумаи шеъри устод Рӯдакӣ дар Ғарб», «Маликушшуаро Баҳор ва устод Рӯдакӣ: аз пайравӣ то илҳомпазирии халлоқона», «Нақши Сотим Улуғзода дар бозтоби симои устод Рӯдакӣ дар кино ва театр», «Хусусияти сохторӣ ва маъноии калимаҳои суғдӣ дар осори Рӯдакӣ»,  «Дер зиёд он бузургвор худованд… (Таҳлили як шеъри устод Рӯдакӣ)» маърӯзаҳо аз ҷониби олимони тоҷик дар назар аст.

Инчунин дар ҳамоиш нашри нави китоби Саид Нафисӣ «Муҳити зиндагӣ ва аҳволу ашъори Рӯдакӣ» дар Порис рӯнамоӣ мегардад.

Таъсиси Рӯзи Рӯдакӣ дар мамлакати мо самара ва ташаббусу дастгирии бевоситаи Президенти Тоҷикистон Эмомалӣ Раҳмон аст, ки ба шарофати он соли 2002 ба Қонуни Ҷумҳурии Тоҷикистон «Дар бораи рӯзҳои ид» илова ворид шуд. Бар асоси он 22 сентябр дар саросари мамлакат Рӯзи Рӯдакӣ эълон гардид.

АКС: АМИТ «Ховар»

Сентябрь 21, 2022 13:25

Хабарҳои дигари ин бахш

ЭҲДО БА РЎЗИ ЗАБОНИ ДАВЛАТӢ. Азамату ҷалоли Оли Сомон ва давлати Сомониён маҳз аз баракати забони тоҷикӣ буд
ТЕЛЕВИЗИОНИ ТОҶИКИСТОН ДАР ИСТИҚРОРИ СУЛҲ НАҚШИ БУЗУРГ ДОРАД. Эҳдо ба 63-солагии таъсиси ин шабака
Шермуҳаммад Шоҳиён: «Миллати шарафманди тоҷик таъриху фарҳанги худро бо ҳамин забон ба ҷаҳониён муаррифӣ кардааст»
МО ХОТИРАИ ӮРО АБАДӢ ПОС ХОҲЕМ ДОШТ. Яке аз тарҷумонҳои касбии Тоҷикистон Мадориф Шарифов даргузашт
«ИСТИҚЛОЛ ВА РУШДИ ЗАБОНИ ДАВЛАТӢ ДАР ҚОНУНГУЗОРӢ». Таҳти чунин унвон дар Душанбе ҳамоиш баргузор шуд
РӮЗИ ЁДБУДИ МАВЛОНО. Таълимоти Ҷалолуддини Балхӣ ҳамзистии осоиштаро тарғиб менамояд
ЭҲДО БА РЎЗИ МАВЛОНО. Пешвои миллат: «Осори Ҷалолуддини Балхӣ дар радифи даҳ китоби сертеъдод ва хонданитарини аҳли олам қарор гирифтааст»
МО БАРОИ ВАСЛ КАРДАН ОМАДЕМ! Пагоҳ дар Душанбе Рӯзи Мавлоно таҷлил мегардад
«МАВЛОНО-МУРШИДИ ВАҲДАТ ВА ГУФТУГӮИ ТАМАДДУНҲО». Дар Душанбе таҳти чунин унвон конфронси байналмилалӣ доир шуд
ЭҲЁ ВА РУШДИ ЗАБОНИ ДАВЛАТӢ ДАР ПАРТАВИ СИЁСАТИ ФАРҲАНГИИ ПЕШВОИ МИЛЛАТ. Ба Рӯзи забони давлатии Ҷумҳурии Тоҷикистон бахшида мешавад
Маросими ифтитоҳи расмии Бозиҳои XVI Делфӣ дар Театри давлатии академии опера ва балети Тоҷикистон доир мегардад
Сафорати Тоҷикистон дар Узбекистон дар Фестивали анъанаҳои фарҳангӣ ва таомҳои миллии намояндагиҳои дипломатӣ дар Тошканд ширкат варзид