ДАР ИДМ ҲАМТО НАДОРАНД. Дмитрий Волвач мактабҳои русиро дар Тоҷикистон беназир унвон кард
ДУШАНБЕ, 21.09.2022 /АМИТ «Ховар»/. Ифтитоҳи мактабҳои русӣ дар Тоҷикистон — тарҳи нодирест, ки дар кишварҳои ҳамсоя ҳамто надорад. Тавре агентии иттилоотии Sputnik менависад, дар ин бора муовини Вазири рушди иқтисоди Россия Дмитрий Волвач, ки ҷиҳати иштирок дар Форуми сармоягузории Россия ва Тоҷикистон ба Душанбе омадааст, изҳор намуд.
Волвач аз ду мактаби нави мамлакат — ба номи Юрий Гагарин дар Душанбе ва ба номи Антон Чехов дар Хуҷанд дидан намуд.
«Ифтитоҳи мактабҳо барои мо лоиҳаи беназирест, ки дар тамоми ИДМ ҳамто надорад. Мавҷудияти он барои кишварҳои мо қадами муҳим ба шумор меравад»,- иқтибос меорад суханони ӯро хадамоти матбуоти Вазорати рушди иқтисоди Россия.
Ӯ зимни сафар таъкид дошт, ки Россия ба кор бо насли наврас диққати ҳамаҷониба медиҳад.
«Ин имкон медиҳад, ки марзҳои боварӣ миёни давлатҳоямон васеъ карда шаванд, шароит ба вуҷуд меорад, ки мардумони Россия ва Тоҷикистон боз ҳам наздиктар гашта, кӯдакон дар рӯҳияи эҳтиром ва таваҷҷуҳ ба фарҳанги ду кишвар ва дастовардҳои онҳо тарбия ёбанд»,-изҳор дошт муовини вазир.
Ёдовар мешавем, ки дар шаҳрҳои Душанбе, Кӯлоб, Хуҷанд, Бохтар ва Турсунзода 5 мактаби нав бо иқтидори ҷойгиркунии 1,2 ҳазор нафар кӯдакон сохта шуданд. Президенти Ҷумҳурии Тоҷикистон Эмомалӣ Раҳмон ва Президенти Россия Владимир Путин 1 сентябр ин муассисаҳоро ба тариқи онлайн ифтитоҳ карданд. Таълим дар мактабҳо ба меъёрҳои федералии давлатии таълимии Россия мувофиқат мекунад.
Маълум аст, ки синфҳои нав мувофиқи таҷрибаи пешқадами ташкили раванди таълим ҷиҳозонида шуда, ба талаботи баландтарини бехатарии сейсмикӣ ҷавобгӯ буда, ба заминларзаи 9-балла тобовар мебошанд.
АКС: РИА Новости
Бахшида ба Рӯзи байналмилалии ҳифзи кӯдакон дар шаҳри Душанбе ҳамоиш доир гардид
Доир ба Конвенсияи Ромсар ва аҳамияти байналмилалии он нишасти илмӣ баргузор гардид
Таъсиси Ҷоизаи байналмилалии Абӯалӣ ибни Сино дар соҳаи тиб — заминаи густариши илми тиб, муаррифии шахсият ва осори тоҷикон дар арсаи ҷаҳон
Доир ба нақши Президенти Тоҷикистон дар гиромидошти қаҳрамонони миллат ҳамоиш баргузор шуд
Дар Душанбе масъалаҳои рушди соҳаи илму маориф бо ректори Донишгоҳи СММ баррасӣ гардид
Коршиносони хориҷӣ нақши Тоҷикистонро чун давлати ташаббускор дар ҳалли масъалаҳои глобалии обу иқлим назаррас арзёбӣ намуданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи СММ тақвият меёбад
Дар Донишгоҳи байналмилалии сайёҳӣ ва соҳибкории Тоҷикистон олимпиадаи ҷумҳуриявӣ ҷамъбаст шуд
ИҚДОМИ ТАЪРИХИИ ПЕШВОИ МИЛЛАТ. Он насли наврасро водор месозад, ки аз қаҳрамонии гузаштагон сабақи зиндагӣ гиранд
Донишгоҳи технологии Тоҷикистон ҳамкориро бо JICA дар соҳаи зеҳни сунъӣ ва инноватсия таҳким мебахшад
«OIBO-2026». Хонандагони тоҷик дар Олимпиадаи байналмилалӣ сазовори ҷойҳои ифтихорӣ шуданд
Олимпиада барои дарёфти «Ҷоми раёсати Донишгоҳи байналмилалии сайёҳӣ ва соҳибкории Тоҷикистон» оғоз гардид
