Дар Шаҳристон бинои маъмурии бахши ҳифзи муҳити зист ифтитоҳ гардид
ДУШАНБЕ, 17.09.2022 /АМИТ «Ховар»/. Баҳри таҷлили сазовори ҷашни 30-солагии Иҷлосияи 16 – уми Шӯрои Олии Ҷумҳурии Тоҷикистон бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода, Сардори Хадамоти зиддиинҳисории назди Ҳукумати Ҷумҳурии Тоҷикистон Абдулмаҷид Муминзод ва Раиси ноҳияи Шаҳристон Баҳодур Акрамзода бинои нави маъмурии бахши ҳифзи муҳити зист дар ноҳияи Шаҳристон ифтитоҳ гардид.
Тавре ба АМИТ «Ховар» дар Кумитаи ҳифзи муҳити зист хабар доданд, сохтмони бино дар муддати як сол ба анҷом расонида шуда, майдони умумии ҷудогардида 688 метри мураббаъро ташкил медиҳад.
Дар ошёнаи якум – маҷлисгоҳ, китобхона ва утоқҳои корӣ ҷойгир карда шудаанд. Маҷлисгоҳ 20 ҷойи нишаст дошта, дар китобхона 1000 адад адабиёти гуногун ҷамъоварӣ шудаанд.
Дар ошёнаи дуюм — қабулгоҳ ва 3 утоқи корӣ барои кормандон ҷойгир буда, ҳамаи онҳо бо лавозимоти зарурӣ барои фаъолияти мутахассисон таҷҳизонида шудаанд.
Ҳамчунин атрофи бино майсазору гулзор карда шудааст.
АКС: Кумитаи ҳифзи муҳити зисти назди Ҳукумати ҶТ
Пагоҳ дар Кумитаи ҳолатҳои фавқулода ва мудофиаи гражданӣ, Агентии суғуртаи иҷтимоӣ ва нафақа, Хадамоти зиддиинҳисорӣ, Хадамоти иҷро ва Маркази тадқиқоти стратегӣ нишасти матбуотӣ баргузор мегардад
Дар ноҳияи Тоҷикобод 6 коргоҳи истеҳсолӣ ба истифода дода шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Алоқаи боэътимод — дар ҳар гуна боду ҳаво
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар Кумитаи меъморӣ ва сохтмон, Агентии назорати маводи нашъаовар, Агентии «Тоҷикстандарт» ва корхонаи «Тоҷиксуғурта» нишасти матбуотӣ баргузор мегардад
Дар Конибодом бо усули «Мактаб ба мактаб» бо хонандагону волидайн вохӯриҳо баргузор мегарданд
Сокинони ноҳияи Рашт дар ҷашни Сада омодагиашонро ба корҳои кишоварзӣ изҳор доштанд
Имрӯз дар баъзе ноҳияҳои Тоҷикистон туман мефарояд
