«Давлати исломӣ»* масъулияти ҳамлаи террористиро дар назди Сафорати Русия дар Кобул бар уҳда гирифт
ДУШАНБЕ, 06.09.2022 /АМИТ «Ховар»/. Гурӯҳи террористии «Давлати исломӣ»* масъулияти ҳамлаи террористиро дар назди Сафорати Русия дар Афғонистон бар уҳда гирифт. Дар ин бора аггентии иттилоотии «РИА Новости» хабар медиҳад.
Таркиш дар наздикии бинои шуъбаи консулии намояндагии дипломатии Русия рух додааст. Террористи маргталаб таҷҳизоти тарканда ба кор даровардааст. Дар натиҷаи ин ҳодиса ду корманди сафорат ва якчанд сокинони Кобул ба ҳалокат расидаанд.
Ба иттилои корманди полиси Афғонистон Холид Задрон, ҷинояткор мехост дар ҷамъи омма таркиш ба амал орад, аммо барои ин фурсат наёфт. Полисҳо ба ҷониби ӯ пештар оташ кушоданд.
Ёдовар мешавем, ки моҳи феврали соли равон Вазири мудофиаи ФР Сергей Шойгу иттилоъ дод, ки вақтҳои охир шумораи террористони «Давлати исломӣ»* дар Афғонистон ду маротиба афзоиш ёфтааст. Дар ин бора ӯ зимни вохӯрӣ бо ҳамтои британиягияш Бен Уоллес изҳор дошт, хабар медиҳад АМИТ «Ховар» бо истинод ба ТАСС. Илова бар ин, Вазири мудофиаи ФР аз эҳтимоли аз ҷониби террористон истифода шудани силоҳҳое, ки неруҳои эътилофи ғарбӣ дар Афғонистон гузоштаанд, изҳори нигаронӣ кард.
Қаблан Президенти Ҷумҳурии Тоҷикистон Эмомалӣ Раҳмон низ дар ин бора ҳушдор дода буданд. «Мардуми осоиштаи Афғонистон имрӯз бо даҳшат рӯ ба рӯ шудааст,-зикр намуданд Сарвари давлати Тоҷикистон зимни суханронӣ дар мубоҳисаҳои умумии Иҷлоси 76-уми Маҷмаи Умумии СММ охирҳои моҳи сентябри соли сипаригардида,- Мо бояд дарк кунем, ки ин ҳолат аз берун ташкил ва ба мардуми Афғонистон таҳмил шудааст. Гурӯҳҳои гуногуни террористӣ бо истифода аз вазъи ноустувори низомиву сиёсӣ дар Афғонистон мавқеи худро фаъолона мустаҳкам карда истодаанд».
______________________
*Ташкилоти террористӣ, ки дар Русия, Тоҷикистон ва дигар кишварҳо мамнуъ эълон карда шудааст
АКС аз бойгонии ТАСС
Котиби Шурои амният Юсуф Раҳмон бо Вазири давлатии Вазорати мудофиаи Подшоҳии Муттаҳидаи Британияи Кабир ва Ирландияи Шимолӣ Вернон Коаке мулоқот намуд
Ҷаласаи Комиссияи даъвати ҷумҳуриявӣ оид ба омодагӣ ба даъвати тирамоҳии соли 2026 ба хизмати ҳарбӣ доир шуд
Кумитаи ҳолатҳои фавқулода ва мудофиаи гражданӣ: «Барои пешгирии оқибатҳои сел селроҳаҳо ва роҳҳои обгузарро пешакӣ тоза намоед»
ТОҶИКИСТОНИ СОҲИБИСТИҚЛОЛ — ПАЙВАНДГАРИ ТАМАДДУНИ ОРИЁӢ. Андешаҳо оид ба Анҷумани тоҷикон ва форсизабонони ҷаҳон – «Пайванд»
Низомиёни Тоҷикистон дар Форуми байналмилалии 13-уми Сяншани Пекин иштирок намуданд
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
