ФУТБОЛ. «Истиқлол» дар бозии даври нимниҳоии Ҷоми Тоҷикистон бар дастаи «Эсхата»-и Хуҷанд ғолиб омад
ДУШАНБЕ, 16.09.2022 /АМИТ «Ховар»/. Шоми дирӯз дар Варзишгоҳи марказии шаҳри Ҳисор вохӯрии аввали марҳилаи нимниҳоии Ҷоми Тоҷикистон миёни дастаҳои футболи «Истиқлол»-и шаҳри Душанбе ва «Эсхата»-и шаҳри Хуҷанд дар сатҳи баланд баргузор шуда, бо ҳисоби минималии 1:0 бар нафъи дастаи футболи «Истиқлол»-и шаҳри Душанбе анҷом ёфт. Дар ин бора аз Федератсияи футболи Тоҷикистон ба шореҳи варзиши АМИТ «Ховар» хабар доданд.
Голи ягонаи ғалабаоварро дар ин рақобати ҷолиб дар дақиқаи 78-ум ҳимоятгар Далер Имомназаров аз зарбаи ҷаримавӣ вориди дарвозаи меҳмонон намуд. Вохӯрии дигари марҳилаи нимниҳоии Ҷоми Тоҷикистон миёни дастаҳои футболи «Хатлон»-и шаҳри Бохтар ва «Кӯктош»-и ноҳияи Рӯдакӣ бидуни гол — 0:0 ба охир расид.
Ёдовар мешавем, ки бозиҳои ҷавобии дастаҳо 15-16 октябр баргузор мегарданд.
Марҳилаи нимниҳоии Ҷоми Тоҷикистон. Бозии аввал
«Истиқлол» — «Эсхата» — 1:0
Гол: Далер Имомназаров, 78
Беҳтарин бозингари вохӯрӣ: Далер Имомназаров («Истиқлол»).
Корти зард: Глеб Грачев («Истиқлол»), Иброҳимхон Эшонхонов, Абдураҳмон Узоқов, Ойбек Абдуғаффоров («Эсхата»).
15 сентябр. Ҳисор, варзишгоҳи марказӣ.
АКС: Федератсияи футболи Тоҷикистон
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд
Се варзишгари навраси тоҷик аз намуди бокс ба даври ниҳоии Бозиҳои сеюми кишварҳои ИДМ роҳ ёфтанд
ФУТБОЛ. Шервонӣ Мабатшоев ва Алишер Тухтаев беҳтарин бозингар ва мураббии моҳи сентябр дониста шуданд
