Хисорот аз хушксолӣ дар ҷаҳон дар нимаи аввали соли 2022 13,2 миллиард доллари ИМА-ро ташкил дод
ДУШАНБЕ, 06.09.2022 /АМИТ «Ховар»/. Якчанд минтақаҳои сайёра дар шаш моҳи аввали соли 2022 ба хушксолии шадид дучор шуданд, ки хисороти он 13,2 миллиард доллар арзёбӣ мешавад. Дар ин бора ТАСС бо истинод ба маълумоти ширкати байналмилалии суғуртавии «Aon» хабар медиҳад.
Хусусан, соли равон қитъаи Аврупо дар панҷсад соли охир ба ин гуна хушксолӣ бори аввал дучор гардид. Аз сабаби ҳавои хушк ИМА, Чин ва Покистон низ хисороти ҷиддӣ дидаанд.
Чунончи, дар Чин сатҳи оби дарёҳо хеле паст гардида, дар натиҷаи он истеҳсоли қувваи барқ дар неругоҳҳои барқи обии маҳаллӣ қариб 40 фоиз кам шуд. Вобаста ба ин ҳолат дар музофоти Сичуан кори корхонаи мошинсозии Toyota Motor қатъ гардид.
Дар кишварҳои аврупоӣ бар асари хушксолӣ ва сӯхторҳое, ки аз он ба вуҷуд омадаанд, ҳаҷми зиёди ҳосил аз даст рафтааст. Илова бар ин, паст шудани сатҳи оби дарёҳо ба ҳаракати киштиҳо халал ворид намуда, ба занҷираи таъминот таъсири манфӣ расонид.
Иқлимшиносон пешгӯӣ мекунанд, ки давоми 30 соли оянда хушксолии шадиди тобистон барои бисёре аз минтақаҳои ҷаҳон ба меъёри муқаррарӣ табдил хоҳад ёфт. Ҳамин гуна, дар ИМА аллакай зинаи якуми камарбанди гармии шадид ба вуҷуд омадааст, ки то соли 2053 чоряки кишварро фаро хоҳад гирифт. Интизор меравад, ки ҳарорати ҳаво дар ин кишвар беш аз 52 дараҷа шавад.
АКС: pixabay.com
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
