ИЛМАТ БА АМАЛ ЧУ ЁР ГАРДАД. Маркази илмии кишоварзии Помир бо мақсади мутобиқ намудани зироати сабзавотӣ ба шароити Бадахшон машварати илмӣ-амалӣ доир намуд
ХОРУҒ, 05.09.2022 /АМИТ «Ховар»/. Маркази илмии кишоварзии Помири Академияи кишоварзии Тоҷикистон барои деҳқонону боғдорони хоҷагиҳои деҳқонии ноҳияи Рӯшони Вилояти Мухтори Кӯҳистони Бадахшон бо ширкати намояндагони мақомоти иҷроияи ҳокимияти давлатии вилоят, олимони Институти биологии Помир ва Донишгоҳи давлатии шаҳри Хоруғ машварати илмӣ-амалии минтақавӣ баргузор намуд, ки мавзӯи асосии он- мутобиқ намудани зироати сабзавотӣ ба шароити Помири ғарбӣ буд, хабар додааст мухбири минтақавии АМИТ «Ховар» Файз МИРАСАН.
Зимни машварат олимон ҳам ба таври назариявӣ ва ҳам амалӣ ба деҳқонону боғдорон оид ба тарзу роҳҳои ҷамъоварӣ, захира ва истифодаи навъҳои гуногуни тухмиҳои мутобиқгардида тавсияҳои судманд доданд.
Директори Маркази илмии кишоварзии Помир, номзади илмҳои кишоварзӣ Сӯҳроб Мусоев изҳор дошт, ки «яке аз ҳадафҳои аслии ин муассисаи илмӣ- анҷом додани тадқиқот бо мақсади кашф ва интихоби навъҳои сермаҳсули сабзавоту ғалладонагиҳо ва коркарди технологияи парвариши онҳо дар шароити кӯҳистон мебошад. Дар шароити кӯҳистон, ки замини корам хеле кам аст, зарурати бамаротиб баланд бардоштани ҳосилнокии сабзавоту меваҷот ба миён меояд. Бинобар ин Маркази илмии кишоварзии Помири назди Академияи кишоварзии Тоҷикистон дар марҳилаи ҳозира барои омӯзиш ва тадқиқот тухмии картошка, помидору бодиринг ва лубиёдонагиҳоро аз Маркази миллии захираҳои генетикии ҷумҳурӣ мегирад. Ҳоло 3 навъи нахӯд, 5 навъи мош, 3 навъи зағир, 10 навъи картошка дастрас карда шуда, дар қитъаҳои таҷрибавии ноҳияҳои Рӯшону Ишкошим кишт гардиданд. Пас аз машварати назариявӣ мо ҳамроҳи деҳқонон ба сари қитъаи замини таҷрибавӣ меравем ва дар он ҷо ба таври амалӣ дар бораи тарзу усулҳои парвариш ва ҳифзи сабзавот аз ҳашароти зараррасон мубодилаи афкор мекунем».
Дар машварати илмӣ-амалӣ муовини Раиси Вилояти Мухтори Кӯҳистони Бадахшон Умедҷон Носирзода ширкат намуда, аз олимон давъат намуд, ки робитаи худро бо деҳқонон боз ҳам таҳким бахшанд ва дар гирифтани ҳосили баланду босифат ба онҳо кумак расонанд. Зеро дар шароити муосир ва тағйирёбии иқлиму мубодилаи тухмиҳо бо кишварҳои хориҷӣ имкони пайдо гардидани ҳар гуна ҳашароти зараррасон вуҷуд дорад. Аз ин рӯ ҳар навъи тухмиро дар озмоишгоҳ санҷида, пас аз он кишти онро ба деҳқонон бояд тавсия дод.
АКС: АМИТ «Ховар»
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
