Дар Арманистон ҷаласаи 44-уми Шӯрои байнидавлатии ИДМ оид ба геодезия, харитасозӣ, кадастр ва мушоҳидаи фосилавии Замин баргузор шуд

Октябрь 26, 2022 16:31

ДУШАНБЕ, 26.10.2022 /АМИТ «Ховар»/. Ҳайати Кумитаи давлатии идораи замин ва геодезии Ҷумҳурии Тоҷикистон таҳти роҳбарии Ориф Хоҷазода дар ҷаласаи 44-уми Шӯрои байнидавлатии ИДМ оид ба геодезия, харитасозӣ, кадастр ва мушоҳидаи фосилавии Замин, ки 24-26 октябр дар шаҳри Еревани Ҷумҳурии Арманистон баргузор шуд, иштирок намуд, хабар медиҳад АМИТ «Ховар» бо истинод ба Кумитаи мазкур.

Раиси Кумитаи давлатии идораи замин ва геодезии Ҷумҳурии Тоҷикистон Ориф Хоҷазода вобаста ба дастовардҳои Кумитаи давлатӣ ва ҷараёни иҷрои қарорҳои Шӯрои байнидавлатии ИДМ оид ба геодезия, харитасозӣ, кадастр ва мушоҳидаи фосилавии Замин изҳори назар намуд.

Дар ҷаласа ҷараёни иҷрои қарорҳои Шӯрои мазкур ва фаъолияти муштарак дар самти геодезия, харитасозӣ, кадастр мавриди баррасӣ қарор гирифта, аз натиҷаи баррасии масъалаҳои рӯзномаи ҷаласа протокол ба имзо расид.

Ёдовар мешавем, ки Шӯрои байнидавлатии Иттиҳоди Давлатҳои Мустақил оид ба геодезия, харитасозӣ, кадастр ва мушоҳидаи фосилавии Замин соли 1992 таъсис ёфта, то имрӯз 43 ҷаласаи он дар ҳар давлати аъзо бо навбат гузаронида шудааст.

Мақсади таъсиси Шӯрои мазкур- истифодаи таҷрибаи пешқадам дар соҳаи заминсози геодезия, харитасозӣ, мушоҳидаи фосилавии замин ва омода намудани мутахассисони касбӣ дар донишгоҳҳои Федератсияи Россия, Беларус ва дигар давлатҳои аъзо мебошад.

Мавриди зикр аст, ки Ҷумҳурии Тоҷикистон аъзои бевоситаи Шӯрои байнидавлатии ИДМ оид ба геодезия, харитасозӣ, кадастр ва мушоҳидаи фосилавии Замин буда, дар ҷаласаҳои шӯрои мазкур фаъолона иштирок менамояд.

АКС: Кумитаи давлатии идораи замин ва геодезии Ҷумҳурии Тоҷикистон

Октябрь 26, 2022 16:31

Хабарҳои дигари ин бахш

Қитъаи муҳими роҳи Душанбе – Хоруғ – Қалъаихумб бо пулу нақб мавриди истифода қарор гирифт
Эмомалӣ Раҳмон: «Ба рушди Вилояти Мухтори Кӯҳистони Бадахшон зиёда аз 25 миллиард сомонӣ равона шудааст»
Дар Хадамоти гумрук моҳияти қонунҳои миллӣ тавзеҳ дода шуд
Эмомалӣ Раҳмон: «Дар Вилояти Мухтори Кӯҳистони Бадахшон амалисозии 9 барномаи рушди иҷтимоиву иқтисодӣ идома дорад»
Байни вилоятҳои Хатлони Тоҷикистон ва Ленингради Русия Созишномаи ҳамкорӣ ба имзо расид
Раҳмон Исломиддин дар ҷаласаи навбатии Шурои байнидавлатӣ оид ба стандартизатсия, метрология ва сертификатсияи давлатҳои аъзои ИДМ иштирок намуд
Дар Турсунзода Фестивали саводнокии молиявӣ баргузор шуд
Татбиқи тарҳи «CASA-1000» намунаи ҳамкории энергетики минтақавӣ мебошад
Ҷаласаи сеюми Комиссияи байниҳукуматии Тоҷикистону Ҷопон баргузор гардид
Байни «Амонатбонк» ва Федератсияи футболи Тоҷикистон шартномаи ҳамкорӣ ба имзо расид
Дар доираи ҳамкории Тоҷикистон бо Фонди байналмилалии рушди кишоварзӣ академияи бонкӣ таъсис дода мешавад
Харитаи роҳи Ҳадафи 7-уми Рушди Устувор барои Тоҷикистон расман оғоз гардид