Дар доираи Конфронси 4-уми Берлин оид ба иқлим ва амният ташаббусҳои байналмилалии Тоҷикистон баррасӣ шуданд
ДУШАНБЕ, 13.10.2022 /АМИТ «Ховар»/. 11-12 октябр бо ибтикори Вазорати федеролии корҳои хориҷии Олмон Конфронси 4-уми Берлин оид ба иқлим ва амният (BCSC-2022) баргузор гардид, ки дар он Сафири Ҷумҳурии Тоҷикистон дар Ҷумҳурии Федеративии Олмон Имомудин Сатторов иштирок намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар маросими ифтитоҳ Вазири федеролии корҳои хориҷии Олмон хонум Анналена Бербок ва якчанд нафар мансабдорони воломақоми кишварҳои хориҷӣ сухан гуфтанд.
Ҳангоми ду ҷаласаи канорӣ дар мавзӯи “Устувории минтақавӣ: намунаҳои амалиёти амниятӣ дар соҳаи иқлим дар Аврупои Ҷанубу Шарқӣ, Қафқози Ҷанубӣ ва Осиёи Марказӣ” ва “Ба сӯи Осиёи Марказии сабз: сиёсати хориҷии боздоранда ва устувор дар самти иқлим” роҷеъ ба ҳамкории минбаъда ва тарҳрезии лоиҳаҳои нав миёни кишварҳои минтақа ва Олмон музокирот сурат гирифт.
Дар вохӯриҳои алоҳидаи Сафири Тоҷикистон таваҷҷуҳи ҳамсуҳбатон ба ташаббусҳои байналмилалии кишвари мо дар соҳаи обу иқлим, аз ҷумла раванди татбиқи Даҳсолаи байналмилалии амал “Об барои рушди устувор” солҳои 2018-2028, омодагӣ ба Конфронси Созмони Милали Муттаҳид оид ба баррасии миёнамуҳлати Даҳсолаи об (Ню-Йорк, 22-24 марти 2023), эълони соли 2025 ҳамчун Соли байналмилалии ҳифзи пиряхҳо, Рӯзи ҷаҳонии пиряхҳо ва аҳамияти мубрами таъсиси Хазинаи байналмилалии пиряхҳо ҷалб гардид.
Дар кори конфронс вазирони корҳои хориҷӣ, котибони давлатии вазорату идораҳои марбутаи кишварҳои мухталиф, намояндагони созмонҳои байналмилаливу минтақавӣ, пажӯҳишгоҳҳои илмӣ-тадқиқотӣ, ҳамчунин тарафҳои манфиатдор аз ниҳодҳои ҳифзи муҳити зист, об ва коҳиши хавфи офатҳои табиӣ иштирок намуданд.
Акс: ВКХ ҶТ
Дар Душанбе масъалаҳои вобаста ба вохӯрии вазирони корҳои хориҷии формати «Осиёи Марказӣ-Ҳиндустон» баррасӣ гардид
Дар шаҳри Кокшетауи Қазоқистон намоиш-фурӯши маҳсулоти кишоварзию саноатии Тоҷикистон баргузор гардид
Сироҷиддин Муҳриддин бо роҳбарони ҳайатҳои кишварҳо ва созмонҳои байналмилалӣ мулоқотҳои судманд анҷом дод
Муовини якуми Сарвазири Тоҷикистон бо Вазири давлатии Ҷопон оид ба корҳои хориҷӣ мулоқот намуд
Муовини Сарвазири Тоҷикистон Дилрабо Мансурӣ бо муовини Сарвазири Шоҳигарии Лесото Ҷастис Нтоменг Ҷастина Маҷара мулоқот намуд
Дар Амороти Муттаҳидаи Араб оид ба ташаббусҳои ҷаҳонии Президенти Тоҷикистон баёнияи матбуотӣ нашр гардид
Мулоқоти Сарвазири Тоҷикистон Қоҳир Расулзода бо муовини Сарвазири Озарбойҷон Самир Рауф доир гардид
Сарвазири Тоҷикистон Қоҳир Расулзода бо ноиби Президенти Ҷумҳурии Малдив Ҳусейн Муҳаммад Латиф мулоқот намуд
Амина Муҳаммад аз давлатҳои ҷаҳон дар самти ҳалли масоили марбут ба ҳифзи пиряхҳои сайёраи Замин даъвати оҷилӣ намуд
Директори иҷроияи Бунёди иқлими сабз пешсафии афзояндаи Тоҷикистонро дар ҳалли мушкилоти глобалии иқлим ва ҳифзи пиряхҳо ситоиш намуд
Армида Салсиаҳ Алишаҳбана: «ЭСКАТО ҳамкории судмандро бо Тоҷикистон муҳим арзёбӣ менамояд»
Амина Муҳаммад, муовини аввали Дабири кулли СММ: «Ташаббуси Президенти Тоҷикистон барои муттаҳидии ҷомеаи ҷаҳонӣ дар баррасии мушкилоти ҷиддии иқлимӣ муҳим мебошад»
