Дар Душанбе доир ба низоми ҳуқуқии миллии Тоҷикистон ва кишварҳои ИДМ ҳамоиш баргузор шуд
ДУШАНБЕ, 29.10.2022 /АМИТ «Ховар»/. Бахшида ба Рӯзи Конститутсияи Тоҷикистон дар Донишгоҳи славянии Россия ва Тоҷикистон Конференсияи Х байналмилалии илмӣ-амалии «Низоми ҳуқуқии миллии Ҷумҳурии Тоҷикистон ва кишварҳои ИДМ: таҳлили тамоюл ва дурнамои рушд» баргузор гардид, иттилоъ медиҳад мухбири АМИТ «Ховар».
Дар конференсияи мазкур Ректори донишгоҳ Машраб Файзулло, вакили Маҷлиси намояндагони Маҷлиси Олии Ҷумҳурии Тоҷикистон, доктори илмҳои ҳуқуқ, профессор Ҷамшед Муртазозода, олимону мутахассисони донишгоҳҳои пешрафтаи Тоҷикистон, намояндагони Академияи Вазорати корҳои дохилии Ҷумҳурии Тоҷикистон ва намояндагони ташкилоти гуногун ширкат варзиданд.
Дар доираи видеоконференсия намояндагони кафедраи ҳуқуқи соҳибкории Донишгоҳи давлатии ҳуқуқшиносии Урал ба номи В.Ф Яковлев ва Донишгоҳи давлатии аграрии Кубан ба номи И.Т Трублина сухан гуфтанд.
Маърӯзаҳои иштирокчиёни конференсия дар доираи ҷаласаҳои гурӯҳӣ оид ба масъалаҳои мубрами илми ҳуқуқшиносии муосир, аз ҷумла, оид ба ҳуқуқи байналмилалӣ, гражданӣ, соҳибкорӣ, конститутсионӣ, мурофиаи гражданӣ ва ҳуқуқи ҷиноятӣ баррасӣ шуданд.
Ҳадаф аз баргузории ҳамоиш- дарёфти роҳи ҳалли масъалаҳои мубрами рушди илми ҳуқуқшиносӣ дар шароити муосир ва паҳн намудани донишҳои илмӣ-назариявӣ ва амалӣ миёни олимон, омӯзгорон, донишҷӯён, магистрантон, аспирантон, докторантон ва шахсони манфиатдор мебошад.
АКС: АМИТ «Ховар»
Дар Танзания рушди ҳамкории Вазорати маориф ва илми Тоҷикистон бо Шарики глобалӣ баррасӣ гардид
Намояндаи Тоҷикистон дар ҷаласаи Шурои директорони Шарикии глобалии соҳаи маориф дар шаҳри Занзибари Танзания иштирок намуд
««ТОҶИКОН» – ОИНАИ ТАЪРИХИ МИЛЛАТ». Дар Донишгоҳи миллии Тоҷикистон ба муносибати 115-солагии академик Бобоҷон Ғафуров ҳамоиш доир гардид
Дар Донишгоҳи техникии Тоҷикистон озмуни ихтироъкорони ҷавон баргузор гардид
Байни Академияи идоракунии давлатии Тоҷикистон ва Донишгоҳи федералии Урали Русия Созишномаи ҳамкорӣ ба имзо расонида шуд
«ИННОВАТСИЯ ДАР ТИБ — АЗ ИЛМ БА АМАЛИЯ». Дар Донишгоҳи давлатии тиббии Тоҷикистон конференсияи солонаи илмӣ-амалӣ доир шуд
Имрӯз ғолибони Озмуни ҷумҳуриявии ««Тоҷикон» – оинаи таърихи миллат» муайян мешаванд
Дар Донишгоҳи давлатии Хуҷанд вобаста ба масъалаҳои мубрами назарӣ ва амалии фанҳои санъати тасвирӣ конференсияи ҷумҳуриявӣ доир шуд
Дар Донишгоҳи байналмилалии забонҳои хориҷии Тоҷикистон масъалаҳои тарҷума ва тарҷумашиносӣ баррасӣ гардиданд
Дар шаҳри Хоруғ имтиҳонҳои қабул ба магистратураи «Мактаби давлатдории Эмомалӣ Раҳмон» доир шуданд
Деҳаи Хуҷабулоқи ноҳияи Балҷувон соҳиби мактаби замонавӣ гардид
Барои донишҷӯёни шуъбаи иқтисод ва идоракунии сайёҳии Донишгоҳи давлатии Хоруғ дарсҳои амалии саҳроӣ гузаронида шуданд
