Дар Шуғнон бунёди ҳавзҳои моҳипарварӣ идома дорад
ДУШАНБЕ, 09.10.2022 /АМИТ «Ховар»/. Раиси Вилояти Мухтори Кӯҳистони Бадахшон Алишер Мирзонабот зимни сафари корӣ дар ноҳияи Шуғнон бо ҷараёни корҳои сохтмонии ҳавзҳои моҳипарварӣ дар деҳаи Сохчарви Ҷамоати деҳоти Мирзоҷон Ширинҷонов шинос шуд, хабар доданд ба АМИТ «Ховар» дар мақомоти иҷроияи ҳокимияти давлатии ноҳияи Шуғнон.
Ҳавзҳои моҳипарварӣ аз ҷониби хоҷагии деҳқонии Нозигул Элназарова роҳандозӣ гардида, дар корҳои сохтмонии ҳавзи моҳипарварӣ техникаи калонҳаҷм ва сӯзишворӣ аз тарафи Раиси вилоят ба хоҷагӣ кумак карда шудааст.
Ҳамзамон пас аз мавриди истифода қарор гирифтани ҳавзҳо бо дастгирии Раиси вилоят ба хоҷагӣ ба миқдори 3000 дона моҳичаҳои ба шароити минтақа мутобиқ сар дода мешаванд.
Ҳамаи ин тадбирҳо аз ҷониби роҳбарияти мақомоти иҷрояи ҳокимияти давлатии вилоят дар доираи татбиқи Барномаи давлатии рушди соҳаи моҳипарварӣ, ба хотири пешрафти ин соҳаи сердаромад, таъсиси ҷойҳои нави корӣ, ба даст овардани даромади софи иқтисодӣ ва дар маҷмӯъ, беҳдошти сатҳи зиндагии мардум амалӣ мегарданд.
Мавриди зикр аст, ки зимни шиносоӣ бо ҷараёни корҳои сохтмонӣ Алишер Мирзонабот ба иқдоми роҳбари хоҷагӣ Нозигул Элназарова барои обод кардани гӯшаи диёр ва мусоидат ба рушди соҳаи моҳипарварӣ, таъсиси ҷойҳои корӣ ва амалисозии ҳадафи стратегии таъмини амнияти озуқаворӣ изҳори сипос кард.
Ёдовар мешавем, ки дар Вилояти Мухтори Кӯҳистони Бадахшон даҳҳо кӯлу ҳавзҳои сунъӣ ва рӯдхонаву обанборҳо мавҷуданд, ки барои ташкил ва рушди соҳаи моҳидорӣ заминаи хуб мебошанд. Дар ҳавзҳои сунъӣ зағорамоҳӣ, сазан, амури сафед, дар кӯлҳои табиӣ османмоҳӣ, ширмоҳӣ ва гулмоҳӣ парвариш меёбанд.
АКС: Мақомоти иҷроияи ҳокимияти давлатии ноҳияи Шуғнон
Парвозҳои мустақим дар самти Машҳад – Душанбе – Машҳад оғоз гардид
Тоҷикистон ва Ҷопон дар соҳаи мониторинги пиряхҳо, газҳои гулхонаӣ ва сифати ҳаво Ёддошти тафоҳум ба имзо расониданд
Байни Палатаи савдо ва саноати Тоҷикистон ва вилояти Қазвини Эрон Ёддошти тафоҳуми ҳамкорӣ ба имзо расид
Неругоҳи барқи обии «Тоҷикистон» дар 7 сол 30 миллион кВт-соат неруи барқ истеҳсол намудааст
Дар ноҳияи Деваштич шудгори заминҳо оғоз гардид
Оид ба ҳамкории Тоҷикистон ва Иттиҳоди Аврупо дар рушди энергетикаи устувор намоиши аксҳо доир шуд
Дар Тоҷикистон беш аз 611 гектар замин шудгор карда мешавад
Дар Хатлон беш аз 30 ҳазор зан ба фаъолияти соҳибкорӣ машғул аст
Дар Душанбе масъалаҳои марбут ба тавоноӣ барои мувозинати низоми энергетикӣ баррасӣ карда шуд
Лоиҳаи Кодекси экологии Ҷумҳурии Тоҷикистон таҳия гардид
Кумитаи бехатарии озуқаворӣ оид ба солимии ҳайвонот конференсияи байналмилалӣ баргузор намуд
Ҳамкорӣ дар самти рушди манбаъҳои барқароршавандаи энергия баррасӣ гардид
