ДАР ТЕҲРОН ҶАЛАСАИ XVIII МАҶМАИ УМУМИИ OANA ДОИР МЕШАВАД. Дар он Директори Агентии миллии иттилоотии Тоҷикистон «Ховар» иштирок менамояд
ДУШАНБЕ, 24.10.2022 /АМИТ «Ховар»/. Имрӯз дар Теҳрон ҷаласаи 18-уми Маҷмаи умумии Созмони агентиҳои иттилоотии Осиё ва Уқёнуси Ором (OANA) оғоз гардид. Тавре хабарнигори мо аз пойтахти Эрон иттилоъ медиҳад, дар он Директори АМИТ «Ховар» Саидалӣ Сиддиқ ширкат дорад.
Ҷаласаи OANA таҳти шиори «Хатарҳои нав барои журналистика: навовариҳои технологӣ ва масъалаҳои эътимод» мегузарад.
Ҷаласаро директори Агентии иттилоотии Ҷумҳурии Исломӣ (IRNA) Алӣ Нодирӣ ва Вазири фарҳанг ва иршоди исломии Ҷумҳурии Исломии Эрон Меҳдии Исмоилӣ ифтитоҳ намуданд.
Агентии IRNA, ки дар нишасти 17-уми Маҷмаи Умумӣ дар Сеул ба мақоми президенти ОАNА пешбарӣ гардид, шурӯъ аз соли равон ба муддати се сол идораи ин созмонро ба уҳда мегирад. Эрон пеш аз ин ҳам аз соли 1997 то 2000 раёсати ин ниҳодро бар уҳда дошт.
Дар айни замон ба ин созмон 44 агентии иттилоотии 35 давлати Осиё ва Уқёнусия дохил мешаванд, ки дар онҳо аз се ду ҳиссаи аҳолии кураи Замин зиндагӣ мекунанд.
OANA соли 1961 бо мақсади мусоидат ба иртибот ва ҳамкорӣ дар соҳаи ахбор, воситаҳои ахбори омма ва иттилоот, инчунин ташкили мувозинат дар ҷараёни якҷонибаи иттилоот таъсис ёфтааст.
АКС: АИ «Меҳр» (Эрон)
Рӯзи фарҳанги шаҳри Левакант дар фазои идона баргузор гардид
Дар Рӯзи фарҳанги шаҳри Хуҷанд дастовардҳои шаҳр муаррифӣ карда шуданд
Имрӯз дар Душанбе Рӯзи фарҳанги ноҳияи Темурмалик доир гардид
«МӮҚАЛАМЕ, КИ ТАЪРИХРО ТАҶАССУМ НАМУДААСТ». Дар Осорхонаи миллии Тоҷикистон намоиши асарҳои Ашур Ҳайдаров ифтитоҳ ёфт
Дар пойтахт рӯзҳои фарҳанги шаҳри Хуҷанд, Левакант ва ноҳияи Темурмалик доир мегардад
Дар Рӯзи фарҳанги ноҳияи Абдураҳмони Ҷомӣ ҳунарҳои мардумӣ ва маҳсулоти кишоварзӣ пешниҳод гардиданд
Дар Душанбе Рӯзи фарҳанги ноҳияи Зафаробод баргузор шуд
Дар Рӯзи фарҳанги шаҳри Кӯлоб аз маҳсулоти кишоварзӣ то ҳунарҳои мардумии сокинон муаррифӣ гардид
Имрӯз дар Душанбе рӯзҳои фарҳанги шаҳри Кӯлоб ва ноҳияҳои Зафарободу Абдураҳмони Ҷомӣ баргузор мегарданд
Ҳамкории Китобхонаи миллии Тоҷикистон ва Донишгоҳи Ҳанкуки Кореяи Ҷанубӣ густариш меёбад
Дар Душанбе рӯзҳои фарҳанги шаҳрҳои Кӯлоб, Хуҷанд, Левакант ва ноҳияҳои Зафаробод, Абдураҳмони Ҷомӣ ва Темурмалик доир мегарданд
Моҳи октябр дар Душанбе сеюмин Синамоҷашнвораи миллии «Тоҷи Сомон» баргузор мешавад
