САҲМИ ХУДРО ДАР СОХТМОНИ АСР БИГЗОР! Неругоҳи «Роғун» омода аст беш аз 2,6 ҳазор нафарро бо кор таъмин намояд
ДУШАНБЕ, 01.10.2022 /АМИТ «Ховар»/. Беш аз 2,6 ҳазор нафар метавонанд дар ширкатҳое, ки дар НБО «Роғун» фаъолият мекунанд, соҳиби ҷойи кор шаванд. Дар ин бора ба АМИТ «Ховар» дар хадамоти матбуоти Вазорати меҳнат, муҳоҷират ва шуғли аҳолии Тоҷикистон хабар доданд.
Вазири меҳнат, муҳоҷират ва шуғли аҳолӣ Ширин Амонзода дар доираи ярмаркаи ҷойи кор бо роҳбарони ширкатҳои сохтмонӣ вохӯрда, бо онҳо масъалаҳои фиристодани мутахассисон ба НБО «Роғун», музди меҳнати онҳо ва дигар масоили ба ин мавзуъ алоқамандро баррасӣ намуд.
Ҷойҳои кориро якбора 7 ширкати гуногуни Тоҷикистон пешниҳод кардаанд:
«Тоҷикгидроэлектромантаж»;
«Нақби Садди Ориёно»;
«Фарроб»;
«Нуроб-Сохтмон»;
«Сохтмони асосӣ»;
«Элитстрой»;
«Заводи озмоишӣ-механикии Норак»;
Тибқи иттилои вазорат, ҳамаи он ширкатҳое, ки дар ин тарҳи муҳими энергетикӣ кор мекунанд, ҳазорон ҷойи корро бо маоши аз 2700 то 4100 сомонӣ пешниҳод мекунанд. Ба ғайр аз ин нафароне, ки ба сохтмон ба кор меоянд, бо се вақт хӯрок ва хобгоҳ таъмин карда мешаванд. Ва муҳимтар аз ҳама- имкон пайдо мекунанд, ки саҳми худро дар сохтмони бузург ва лоиҳаи таърихӣ- НОБ-и «Роғун», ки ба гуфтаи Президенти Ҷумҳурии Тоҷикистон, Пешвои миллат Эмомалӣ Раҳмон «ояндаи Тоҷикистон аз он вобаста аст», гузоранд.
Ширин Амонзода зимни мулоқот зарурати аз нав дидани механизми ҷалби коргарон ба сохтмони НБО – и «Роғун», аз ҷумла тавассути ярмаркаҳои ҷойҳои кории холӣ, ҷалби ташкилотчигии коргарон ва ғайраро зикр намуд.
Ҳоло ҳамаи нафароне, ки мехоҳанд ҷои кор пайдо кунанд, метавонанд аз ярмаркаҳои ҷойҳои кории холӣ, ки ҳар ҳафта дар шаҳру ноҳияҳои кишвар баргузор мегарданд, дидан намоянд ва ё бевосита ба ҶСК «НБО Роғун» муроҷиат кунанд.
Баъд аз пурра ба итмом расидани сохтмон НБО «Роғун» ба бузургтарин неругоҳи барқи обии Осиёи Марказӣ табдил меёбад, ки иқтидори он (3600 МВт) ба се агрегати неругоҳҳои атомӣ баробар хоҳад шуд.
Акс: SPUTNIK / STAS ETVESH
«БЕҲТАРИН УСТО ВА ШОГИРД». Дар Душанбе даври ҷамъбастии фестивал-озмуни ҳунармандону косибон баргузор мегардад
КАСБУ ҲУНАР МЕОМӮЗЕМ! Маркази касбомӯзӣ ва хизматрасонӣ дар ноҳияи Восеъ ба хоҳишмандон касбу ҳунарҳои дар бозори меҳнат талабгорро меомӯзад
«ЯК МАТОВУ САД РАНГ». Шаҳри Душанбе бо намоиши либосҳои муосири миллӣ ба гирифтани ҷойи якум сазовор гардид
Дар Ню-Йорк ҳамкории Тоҷикистон бо шарикони байналмилалӣ дар самти муҳоҷират баррасӣ гардид
ОГОҲӢ! 10-12 май дар бештари қаламрави Тоҷикистон бориши бошиддати борони пешгӯӣ мешавад
Намояндагони Тоҷикистон дар дуюмин Форуми байналмилалии баррасии муҳоҷират иштирок намуданд
Муовини Сарвазири Тоҷикистон ба хонадони иштирокчии ҷанг аз шаҳри Ҳисор кумакпулии Пешвои миллатро супорид
Шаҳноза Ахмедова: «Рушди ҳунарҳои мардумӣ омили муҳими муаррифии давлат, миллат ва фарҳанг аст»
ПУРСИДЕД, ҶАВОБ МЕДИҲЕМ. Кадом хатарҳо ҳангоми истифодаи хизматрасониҳои молиявӣ дар Федератсияи Русия вуҷуд доранд?
Шаҳноза Ахмедова соҳиби Шоҳҷоизаи Фестивал-озмуни ҷумҳуриявии «Як матову сад ранг» гардид
Дар Дастгоҳи иҷроияи Президенти Ҷумҳурии Тоҷикистон бахшида ба ҷашни 35-солагии Истиқлоли давлатӣ нишасти илмию назариявӣ баргузор гардид
Туҳфаи Президенти Тоҷикистон ба собиқадори Ҷанги дуюми ҷаҳонӣ дар шаҳри Бохтар расонида шуд
