106 нафар наваскарони даъвати тирамоҳӣ аз 3 қисми ҳарбӣ савганди садоқат ёд карданд

Ноябрь 18, 2022 14:22

ДУШАНБЕ, 18.11.2022 /АМИТ «Ховар»/. 17 ноябр дар боғи Ғалабаи ноҳияи Рӯдакӣ 106 нафар наваскарони даъвати тирамоҳии соли равон аз 3 қисми ҳарбии Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон савганди садоқат ба Ватан ёд карданд. Дар ин бора ба АМИТ «Ховар» дар кумитаи мазкур хабар доданд.

Дар маркази омӯзишӣ ин наваскарон давраи таълимии ҷанговари ҷавонро хатм карданд. Дар ҷараёни он барояшон аз омодагиҳои ҳарбӣ, сафороӣ, тайёриҳои ҷисмониву ҳарбӣ дарс гуфтанд ва бо низоми ҳарбӣ шинос намуданд.

Сарбозон дар ҳузури фармондеҳон, падару модарон ва меҳмонони даъватшуда дар даст силоҳ ба номи Ватан савганд ёд карданд, ки вазифаи ҳарбии худро сазовор ичро намуда, истиқлолияти Ватани азизро мардонавор ҳифз мекунанд. Хизматчиёни ҳарбӣ зери санади савганди ҳарбӣ имзо гузоштанд.

Дар ҳамоиш роҳбарияти Кумита, сарбозони интернатсионалист, хонандагони синфҳои болоии мактабҳои таҳсилоти умумии минтақа, волидон ва хешу табори наваскарон иштирок доштанд.

Муовини Раиси Кумитаи ҳолатҳои фавқулода ва мудофиаи гражданӣ Имомалӣ Иброҳимзода изҳори умед кард, ки наваскарон дар иҷрои вазифа боинтизом хоҳанд буд, ба Ватан садоқатмандона хизмат намуда, бо ҷасорату мардонагӣ аз тамомияти арзии он ҳимоя ва дар таъмини амнияти кишвару шаҳрвандони он талош хоҳанд кард.

Дар поёни маросим сафороии ҳарбӣ баргузор шуд.

Пас аз маросими тантанавии савгандёдкунии ҳарбӣ муовини раиси Кумита, генерал-майор Имомалӣ Иброҳимзода ва фармондеҳони қисмҳои низомӣ бо волидони хизматчиёни ҳарбӣ ҳамсуҳбат шуданд.

АКС: КҲФ ва МГ

Ноябрь 18, 2022 14:22

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт