Алексей Оверчук: «Россия ба нақша гирифтааст, ки ҳамкориро бо Тоҷикистон дар соҳаи кишоварзӣ ва саноати нассоҷӣ рушд диҳад»

Ноябрь 9, 2022 14:36

ДУШАНБЕ, 09.11.2022 /АМИТ «Ховар»/. «Мо нақша дорем, ки ҳамкориро бо Тоҷикистон дар соҳаи кишоварзӣ ва саноати нассоҷӣ рушд диҳем. Дар оянда мо дастгирии лоиҳаҳоро дар бахши технология такмил медиҳем. Вобаста ба соҳаҳои маориф, фарҳанг ва гуманитарӣ, мо масъалаи зиёд кардани бурсияҳои таҳсил барои донишҷӯёни тоҷик дар Россияро ба беш аз 1000 нафар баррасӣ кардем. Соли оянда мо нақша дорем, ки ба ин марҳила бирасем», — иттилоъ дод ба намояндагони ВАО муовини сарвазири Федератсияи Россия Алексей Оверчук дар ҷамъбасти ҷаласаи 18-уми Комиссияи байниҳукуматии Ҷумҳурии Тоҷикистон ва Федератсияи Россия оид ба ҳамкории иқтисодӣ.

Тавре хабарнигори АМИТ «Ховар» аз макони баргузории ҷаласа хабар медиҳад, Алексей Оверчук тазаккур дод, ки имрӯз мубоҳисаи созанда сурат гирифта, таваҷҷуҳ бештар ба ҳамкорӣ дар соҳаи сармоягузорӣ зоҳир гардид, зеро аз ҷониби Тоҷикистон имконоти бисёр хуби сармоягузорӣ пешниҳод карда шуданд.

«Мо ин масъаларо дар оянда низ баррасӣ мекунем ва гурӯҳи махсус таъсис медиҳем, ки ба татбиқи он машғул шавад. Имрӯз, пеш аз ҳама, мо таваҷҷуҳро ба он ҷалб кардем, ки гардиши савдои мо соли 2021 бисёр хуб – 44 фоиз афзуд, имсол низ он хуб афзоиш меёбад. Мо барои рушди соҳаи муҳоҷират пайваста талош дорем. Ҳоло мо болои «барномаи мобилӣ» кор карда истодаем, ки дар маҷмӯъ ба муҳоҷирони меҳнатӣ барои пайдо кардани ҷои кор, иҷрои тамоми расмиёти зарурӣ, гирифтани хизматрасониҳои давлатӣ кумак мерасонад. Аз ҷумла умедворем, ки мо метавонем хизматрасоние роҳандозӣ намоем, ки имкон диҳад маълумот дар бораи маҳдудияти вуруд ба таври маҷозӣ пешниҳод гардад. Инчунин барои осон кардани сабти ном дар ҷои истиқомат кор хоҳем кард, то шахс худаш омада, худро сабти ном кунад, на шахсе, ки ҳуҷраашро ба иҷора медиҳад. Мо ба ҳамаи ин мушкилот вокуниш мекунем ва аз ин нуқтаи назар низ беҳбудиҳо хоҳанд шуд»,- гуфт муовини сарвазири Федератсияи Россия Алексей Оверчук.

Ноябрь 9, 2022 14:36

Хабарҳои дигари ин бахш

Масъалаҳои баргузории Форуми B5+1 дар Душанбе баррасӣ шуданд
Тоҷикистон ба Конвенсияи СММ оид ба мубориза бо биёбоншавӣ пешниҳод намуд, ки соли 2027 миссияи техникӣ ташкил карда шавад
Бо сабаби фаъолият накардани корхонаи «Хишти Тоҷикобод» сокинон ин масолеҳи сохтмониро аз Душанбе ва Ваҳдат бо роҳкирои гарон ворид менамоянд
Дар Минтақаи озоди иқтисодии «Ишкошим» ба маблағи беш аз 1 миллион сомонӣ кору хизматрасонӣ анҷом дода шуд
Дар доираи ҷаласаи 45-уми пленарии ГАО ҳамоиш баргузор гардид
Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Душанбе мизбони конференсияи миллӣ ва Намоишгоҳи технологияҳои рақамӣ дар соҳаи кишоварзӣ мегардад
Тоҷикистон ва Озарбойҷон ҳамкориро дар соҳаи ҳифзи муҳити зист тақвият медиҳанд
Дар Душанбе ҷаласаи 45-уми пленарии ГАО оғоз шуд
Раванди татбиқи низоми электронии сертификатсияи фитосанитарӣ дар Тоҷикистон баррасӣ гардид
Ҳамкории Палатаи ҳисоби Тоҷикистон ва Додгоҳи ҳисоби Туркия густариш меёбад
«ПАРДОХТИ ЯГОНАИ КОММУНАЛӢ». Низоми нав пардохтро барои сокинон осонтар, равшантар ва шаффофтар мегардонад