Дар Эрон 30 адад китобҳои адибони Тоҷикистон нашр мегарданд
ДУШАНБЕ, 02.11.2022 /АМИТ «Ховар»/. Рӯзҳои наздик 30 адад китобҳои адибони Тоҷикистон дар Эрон нашр мегарданд. Ин матлаб 1 ноябр зимни баргузории Рӯзҳои фарҳанги Ҷумҳурии Исломии Эрон дар Иттифоқи нависандагони Тоҷикистон баён гардид.
Тавре корманди маркази матбуоти Вазорати фарҳанги мамлакат Марям Холиқзода ба АМИТ «Ховар» иттилоъ дод, зимни ҳамоиш маҳфили шеъри шоирони Тоҷикистон ва Эрон баргузор гардид, ки дар он ҳайати рӯзҳо ва аҳли фарҳанги тоҷик иштирок намуданд.
Дар маҳфил инчунин китобҳои шоирони тоҷик, ки дар Эрон чоп шудаанд, рӯнамоӣ гардиданд.
Инчунин дар Кинотеатри «Ватан»-и шаҳри Душанбе намоиши филмҳои синамогарони Эрон шурӯъ гардид, ки то 5 ноябр идома меёбад.
1 ноябр филми коргардони эронӣ Баҳром Таваккулӣ таҳти унвони «Тахтӣ» намоиш дода шуд.
2 ноябр, соати 16:00 филми «Ремотизми Имод ва Турбо»-и коргардон Кова Сабботнажод ва 5 ноябр, соати 10:00 филми «Роҳи обии абрешим»-и коргардон Муҳаммад Бузургниё манзури тамошобинон гардонида мешаванд.
Ёдовар мешавем, ки 31 октябр дар Театри давлатии академии опера ва балети Тоҷикистон ба номи С. Айнӣ Рӯзҳои фарҳанги Ҷумҳурии Исломии Эрон дар Ҷумҳурии Тоҷикистон оғоз гардиданд, ки то 6 ноябр идома меёбанд.
АКС: Вазорати фарҳанги ҶТ
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
