Дар Самарқанд лоиҳаи нави «Робитаҳои энергетикии устувор дар Осиёи Марказӣ (SECCA)» ба роҳ монда шуд

Ноябрь 17, 2022 12:04

ДУШАНБЕ, 17.11.2022 /АМИТ «Ховар»/. Имрӯз, 17 ноябр дар шаҳри Самарқанд бахшида ба робитаҳо миёни Иттиҳоди Аврупо ва Осиёи Марказӣ- «Глобал шлюз» ҳамоиш оғоз ёфт, хабар медиҳад Директори Радиои «Ховар» Саидҷаъфар Ашӯрзода аз макони рӯйдод.

Зимни ҳамоиш Иттиҳоди Аврупо (ИА) лоиҳаи нави «Робитаҳои энергетикии устувор дар Осиёи Марказӣ (SECCA)-ро роҳандозӣ намуд. Дар ҳамоиш намояндагони мақомоти давлатӣ ва коршиносони соҳаи энергетика аз кишварҳои Осиёи Марказӣ ва Иттиҳоди Аврупо ширкат доранд.

«Лоиҳаи SECCA бо буҷаи 6,8 миллион евро ба пешбурди тавозуни устувори энергетикӣ дар минтақаи Осиёи Марказӣ мутобиқи таҷрибаҳои пешрафтаи ИА равона шудааст. Аз ҷумла, ҳадафи лоиҳа таҳкими сиёсати миллӣ оид ба гузариш ба системаи устувори энергетикӣ ва баланд бардоштани сармоягузорӣ, иқтидор ва огоҳӣ дар соҳаи энергияи барқароршаванда ва самаранокии он дар минтақа мебошад», —  иттилоъ медиҳад манбаъ.

Ҳодисаҳои охир нишонаҳои мусбати робитаҳои эҳтимолии устувори энергетикиро дар Осиёи Марказӣ нишон медиҳанд. Дар робита ба афзоиши иқтисодӣ ва зиёдшавии аҳолӣ дар минтақа талабот ба неруи барқ ​​афзун мегардад.  Барои қонеъ кардани ин талабот сармоягузориҳои зиёд, ислоҳоти бозор ва рушди иқтидор заруранд.

Муовини директори генералии Мудирияти генералии шарикии байналмилалӣ (DGINTPA) Марет Ягер зикр кард, ки лоиҳа созишномаи сабзи аврупоӣ ва Стратегияи нави Иттиҳоди Аврупо барои Осиёи Марказиро роҳнамоӣ мекунад.

«Тибқи уҳдадориҳои ҳуҷҷати охир иқтидори офтобӣ, шамолӣ ва гидроэнергетикии минтақа барои мусоидат ба таҳкими устувори энергетикии минтақа, мусоидат барои ноил шудан ба ҳадафҳои иқлимии он, инчунин фароҳам овардани ҷойҳои корӣ ва имконияти соҳибкорӣ равона гардидааст. Дар айни замон иқтидори назарраси энергетикии устувори минтақа бинобар монеаҳои зиёди институтсионалӣ, молиявӣ, техникӣ ва иҷтимоӣ кам истифода мешавад. Лоиҳаи SECCA ҳамчун қувваи такондиҳанда барои  рафъи ин монеаҳо ва афзоиши истеҳсоли энергияи барқароршаванда ва самаранокии энергетикӣ дар минтақа хизмат менамояд»,- илова намуд  Марета Ягер.

Лоиҳаи SECCA инчунин масъалаи гендериро ба инобат гирифта, сиёсати гендерӣ ва қонунгузориро ҳам дар самти самаранокии энергия ва ҳам дар соҳаи энергияи барқароршаванда дастгирӣ мекунад. Он нақши занонро дар ин соҳа баланд мебардорад.

Дар кори ҳамоиш коршиносони лоиҳа ҳадафҳои SECCA-ро муаррифӣ намуда, дар бораи чорабиниҳои нақшавӣ ва натиҷаҳои он мубодилаи афкор хоҳанд кард.

Иштирокчиён нақша доранд, ки вазъи кунунӣ ва мушкилоти соҳаи энергетикаи устувор ва ҳамкории Иттиҳоди Аврупо ва Осиёи Марказиро  низ мавриди баррасӣ қарор диҳанд.

АКС: АМИТ «Ховар»

 

Ноябрь 17, 2022 12:04

Хабарҳои дигари ин бахш

РУШДИ САНОТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод
Бахтиёр Ҷалилов аз Исфара: «Аз фурӯши зардолу фоида хуб ба даст оварда, сатҳи зиндагиамро баланд мебардорам»
Тоҷикистон аз ташаббуси таъсиси махзани тарҳҳои тиҷоратии давлатҳои аъзои СҲШ ҷонибдорӣ менамояд