Дар Тоҷикистон соли 2023 Мусобиқаи байналмилалӣ оид ба қаиқронии слалом баргузор мегардад
ДУШАНБЕ, 09.11.2022 /АМИТ «Ховар»/. 9 ноябр ноиби Президенти Кумитаи миллии олимпии Тоҷикистон Дилшод Назаров бо президенти Федератсияи қаиқронии слаломи Россия Сергей Папуш мулоқот кард, ки дар он масъалаи ҳамкории дуҷониба ҷиҳати рушди варзиши қаиқронии слалом баррасӣ гардид. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.
«Ин мулоқот сабаби рушди ҳамкорӣ ва рушди намуди слалом дар Тоҷикистон хоҳад шуд», — таъкид намуд Дилшод Назаров.
Сергей Папуш изҳор намуд, ки Тоҷикистон дарёҳои зиёд дорад, ки барои машғул шудан ба қаиқронии слалом ва рушди ин намуди варзиш мусоиданд. Аз ҷумла, ӯ ёдовар шуд, ки дар замони Иттиҳоди Шӯравӣ дастаи мунтахаб дар дарёи Варзоб тамрин мекард.
Ҷонибҳо барои баргузор намудани Мусобиқаи байналмилалӣ оид ба қаиқронии слалом дар арафаи ҷашни Наврӯз дар Тоҷикистон ба мувофиқа расиданд.
Зикр шуд, ки низомномаи мусобиқа дар наздиктарин фурсат омода карда шуда, ҷиҳати анҷоми корҳои ташкилӣ кумитаи тадорукот таъсис дода шавад.
АКС: КМО Тоҷикистон
Дастаи «Ҳулбук»-и Восеъ ғолиби Ҷоми Федератсияи футболи Тоҷикистон-2026 шуд
ҶОМИ ФФТ-2026. Имрӯз бозии финалии дастаҳои «Барқчӣ»-и Ҳисор ва «Ҳулбук»-и Восеъ доир мегардад
ФУТБОЛ. Дастаи мунтахаби наврасони Тоҷикистон дар мусобиқаи «Ҷоми рушд-2026» иштирок мекунад
Ҷоизаи Президенти Ҷумҳурии Тоҷикистон дар ҳаҷми зиёда аз 2 миллион сомонӣ ба варзишгарони муваффақ тақдим гардид
АРТИШИ МИЛЛӢ — КАФИЛИ ИСТИҚЛОЛИ ДАВЛАТӢ. Дар Донишкадаи тарбияи ҷисмонӣ Рӯзи таъсиси Қувваҳои Мусаллаҳи Тоҷикистонро таҷлил намуданд
Дар Душанбе маросими ҷоизасупорӣ дар соҳаи тарбияи ҷисмонӣ ва варзиш баргузор мегардад
Дар мусобиқаи байналмилалии «Tashkent Grand Slam 2026» оид ба гӯштини ҷудо 17 варзишгари тоҷик иштирок менамояд
ФУТБОЛ. Дастаи мунтахаби наврасони Тоҷикистон дар мусобиқаи байналмилалӣ дар Хиросима иштирок мекунад
ҶОМИ ФФТ-2026. Ҷуфтҳои даври нимниҳоии мусобиқа муайян шуданд
Федератсияи футболи Тоҷикистон Суҳроб Сатторовро барои фаъолияти арзанда дар Ҷоми Осиё-2026 қадрдонӣ намуд
Бахшида ба Ҷашни байналмилалии Наврӯз дар Тоҷикистон Фестивали бозиҳои миллии варзишӣ баргузор мегардад
Дар ноҳияи Ёвон мусобиқаи гӯштини миллӣ (гӯштингирӣ) баргузор гардид
