Иштирокдорони ҷаласаи 37-уми пленарии ГАО масъалаҳои муҳими марбут ба таҳдидҳои ҷаҳони муосирро баррасӣ намуданд

Ноябрь 24, 2022 15:30

ДУШАНБЕ, 24.11.2022 /АМИТ «Ховар»/. Имрӯз дар шаҳри Душанбе ҷаласаи 37-уми пленарии Гурӯҳи Авруосиё оид ба муқовимат бо қонунигардонии даромадҳои бо роҳи ҷиноят бадастоварда ва маблағгузории терроризм баргузор гардид. Дар ин бора хабарнигори АМИТ «Ховар» Марзия САИДЗОДА иттилоъ медиҳад.

Дар ҷаласаи 37-уми пленарии Гурӯҳи Авруосиё /ГАО/ оид ба муқовимат бо қонунигардонии даромадҳои бо роҳи ҷиноят бадастоварда ва маблағгузории терроризм муовини Сарвазири Ҷумҳурии Тоҷикистон Усмоналӣ Усмонзода сухан гуфта, доир ба саҳми Ҷумҳурии Тоҷикистон дар муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм ибрози назар намуд.

Зикр шуд, ки Ҷумҳурии Тоҷикистон дар ин самт ҳамчун узви ГАО бо дарназардошти вазъи зудтағйирёбандаи ҷаҳони муосир тадбирҳои саривақтӣ ва муассир меандешад.

Мавриди ёдоварист, ки дар ҷумҳурӣ Комиссияи доимамалкунандаи байниидоравӣ оид ба муқовимат ба қонунигардонии (расмикунонии) даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом (МҚД/МТ/МПСҚО) бо мақсади ҳамоҳангсозии фаъолияти мақомоти дахлдори давлатӣ дар татбиқи стандартҳои МҚД/МТ/МПСҚО аз ҳисоби намояндагони вазорату идораҳои дахлдор бо қарори Ҳукумати Ҷумҳурии Тоҷикистон аз 4 октябри соли 2013 таъсис дода шудааст.

Иштирокдорони ҷаласаи 37-уми пленарии ГАО оид ба муқовимат бо қонунигардонии даромадҳои бо роҳи ҷиноят бадастоварда ва маблағгузории терроризм масъалаҳои марбут ба таҳдидҳо, аз қабили терроризм, ифротгароӣ, қочоқи маводи мухаддир ва аслиҳа, даромадҳои бо роҳи ҷиноят бадастоварда, вазъи кунунии ҷаҳон, афзоиши дигар шаклҳои ҷинояткорӣ, ки ҷомеаи ҷаҳониро нигарон намудаву ба пешрафти соҳаҳои иқтисодию иҷтимоии кишварҳои ҷаҳон халал эҷод менамоянд, баррасӣ намуда, пешниҳодҳои судманд баён карданд.

Инчунин дар ҷаласаи 37-уми пленарии ГАО ҳисоботи кишвархои аъзои гурӯҳи мазкур шунида шуд.

Мавриди зикр аст, ки вазъи мураккаби сиёсию иқтисодӣ ва таҳдидҳои низомӣ дар ҷаҳон афзоиш ёфта, муносибатҳои дуҷониба ва бисёрҷониба байни кишварҳои абарқудрат ба авҷ гирифтани таҳаввулоти вақтҳои охир ва дар ин асно ҷорӣ намудани таҳримҳои пайдарпаи сиёсӣ, иқтисодию тиҷоратӣ миёни якдигар ҷомеаи ҷаҳонро ба таври ҷидӣ нигарон намудаанд.

Бояд тазаккур дод, ки дар доираи ҷаласаи 37 пленарии ГАО дирӯз дар Душанбе аввалин форуми намояндагони парлумони кишварҳои ГАО баргузор гардид, ки дар он роҳбарону намояндагони кумитаҳои марбутаи парлумон, кумитаҳо ва комиссияҳои байниидоравӣ, мақомоти ҳифзи ҳуқуқ, инчунин воҳидҳои кашшофии молиявии давлатҳои узви ГАО ширкат намуда, масъалаҳои марбут ба такмили қонунгузории миллии кишварҳояшон бо мақсади татбиқи самараноки талаботи стандартҳои байналмилалӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли омро баррасӣ намуданд.ГАО яке аз гурӯҳҳои минтақавӣ ба монанди Гурӯҳи татбиқи чораҳои молиявии зидди пулшӯӣ, яъне ФАТФ буда, соли 2004 таъсис ёфтааст. Ҳадафи он мусоидат ба таҳкими низоми миллии муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом дар кишварҳои аъзо ва минтақа мебошад. Алҳол Россия, Беларус, Тоҷикистон, Қазоқистон, Узбекистон, Қирғизистон, Туркманистон, Чин ва Ҳиндустон аъзои ГАО шомил мебошанд. Тоҷикистон аз соли 2004 инҷониб узви ГАО буда, соли 2014 ҷаласаи нахустини ГАО дар Душанбе баргузор гардида буд.

Пагоҳ ҷаласаи 37-уми пленарии ГАО дар Душанбе корашро идома медиҳад.

АКС: Бонки миллии Тоҷикистон

 

Ноябрь 24, 2022 15:30

Хабарҳои дигари ин бахш

ДАРАИ АЛМОСӢ. Аз ҷониби ҷомеаи ҷаҳонӣ ҳамчун мавзеи беназири таърихии кишоварзӣ этироф гардид
Дараи Алмосии шаҳри Ҳисор расман ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Дар Бонки миллӣ бо ҳайати Дафтари Швейтсария оид ба ҳамкорӣ дар Ҷумҳурии Тоҷикистон вохӯрӣ доир гардид
Дар Хатлон масъалаи таъсиси корхонаи саноатии батареяҳои офтобӣ баррасӣ гардид
Имсол аз Тоҷикистон беш аз 90 ҳазор тонна маҳсулоти кишоварзӣ содирот гардидааст
Гӯсфанди зоти ҳисорӣ ва ангури гулобии тоифӣ аз Тоҷикистон ба феҳристи «Низоми мероси кишоварзии дорои аҳамияти ҷаҳонӣ» ворид карда шуд
Вазъи кунунии паркҳои технологӣ дар Ҷумҳурии Тоҷикистон мавриди баррасӣ қарор гирифт
«Сомон Эйр» парвозҳои мустақимро дар масири Душанбе-Теҳрон ва Душанбе-Ҷидда барқарор менамояд
Тақвияти ҳамкории доираҳои соҳибкории Тоҷикистону Қирғизистон баррасӣ гардид
Масъалаи содироти сабзавоту меваи Тоҷикистон ба вилояти Свердловск баррасӣ гардид
ҚУРБИ АСЪОР: дар Тоҷикистон 1 доллари ИМА аз 9.6595 то 9.7300 сомонӣ муқаррар шудааст
Ҳайати Тоҷикистон дар ҷаласаи Шабакаи зиддикоррупсионии Созмони Ҳамкории Иқтисодӣ ва Рушд барои кишварҳои Аврупои Шарқӣ ва Осиёи Марказӣ иштирок намуд