«НАҚШИ ИҶЛОСИЯИ САРНАВИШТСОЗ ДАР РУШДИ ИЛМУ МАОРИФ». Дар Душанбе дар ин мавзӯъ ҳамоиш доир шуд

Ноябрь 14, 2022 15:20

ДУШАНБЕ, 14.11.2022. /АМИТ «Ховар»/. Иҷлосияи XVI Шӯрои Олии Ҷумҳурии Тоҷикистон барои таҳкими ҳокимияти давлатӣ, ташаккули Истиқлолияти миллӣ, таъйин намудани самти ҷараёни инкишофи ҷомеа дар солҳои баъдӣ ва пайгирӣ намудан аз принсипҳои талаботи бунёди ҷомеаи демократӣ, дунявӣ ва ҳуқуқбунёду ягона асос ва заминаи воқеӣ ба вуҷуд овард. Ин матлабро муовини Вазири маориф ва илми ҷумҳурӣ  Зиёдулло Абдулзода зимни баргузории конференсияи илмӣ-назариявии «Нақши Иҷлосияи сарнавиштсоз дар рушди илму маорифи кишвар» дар Донишкадаи ҷумҳуриявии такмили ихтисос ва бозомӯзии кормандони соҳаи маориф бахшида ба 30-солагии Иҷлосияи XVI Шӯрои Олии Ҷумҳурии Тоҷикистон баён дошт. Дар ин бора ба АМИТ «Ховар» дар маркази матбуоти Вазорати маоиф ва илм хабар доданд.

Дар конференсияи мазкур сардорону кормандони раёсат, шуъба, бахши дастгоҳи марказӣ ва муассисаҳои тобеи вазорат, инчунин омӯзгорони якчанд муассисаҳои таҳсилоти олии касбӣ иштирок намуданд.

Дар зарфи 30 соле, ки миллати тоҷик Иҷлосияи XVI Шӯрои Олии Ҷумҳурии Тоҷикистонро таҷлил менамоянд, соҳаи маориф низ ба якчанд дастовардҳои назаррас ноил гардид.

Хусусан дар тӯли 30 сол бо дастгирии бевоситаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маблағгузорӣ ба соҳаи маориф ба таври чашмрас афзоиш ёфт. Агар соли 2000 ба соҳаи маориф 37 миллиону 425 ҳазор сомонӣ ҷудо шуда бошад, ин нишондиҳанда соли 2022 ба 6 миллиарду 304 миллиону 25 ҳазор сомонӣ расид. Яъне, маблағузорӣ ба ин соҳаи ҳаётан муҳим имсол нисбат ба ММД 6 фоиз ва нисбат ба хароҷоти буҷет 18,6 фоизро дар бар мегирад.

Ҳамзамон дар ин солҳо Ҷумҳурии Тоҷикистон бо ҷумҳуриҳо ва ташкилоти хориҷӣ 130 созишнома ва барномаҳои ҳамкории байниҳукуматӣ ва байниидоравӣ дар соҳаи маориф, илм ва техника ба имзо расонид. Дар асоси санадҳои мазкур зиёда аз 40 ҳазор шаҳрвандони Ҷумҳурии Тоҷикистон аз рӯи ихтисосҳои барои иқтисодиёти миллии кишвар зарурӣ дар 38 кишвари ҷаҳон таҳсил мекунанд.

АКС: Маркази матбуоти Вазорати маориф ва илми Ҷумҳурии Тоҷикистон

 

Ноябрь 14, 2022 15:20

Хабарҳои дигари ин бахш

Тоҷикистон ва Фаронса ҳамкориро дар самтҳои илму таълим густариш медиҳанд
Дар Донишгоҳи давлатии омӯзгорӣ оид ба иҷрои нишондиҳандаҳои Паёми Президенти Тоҷикистон ҷамъомад баргузор шуд
Намояндаи Тоҷикистон дар Форуми академияҳои идоракунии давлатии мамлакатҳои аъзои ИДМ иштирок намуд
Даври ҷумҳуриявии олимпиадаҳои фаннӣ барои синфҳои 11-и муассисаҳои таълимии ҷумҳурӣ оғоз ёфт
Ҳамкории Тоҷикистон ва Эрон дар самти илму маориф тақвият меёбад
Ҷашни Наврӯзи хуҷастапайро аҳли илму маориф ботантана ҷашн гирифтанд
Дар шаҳри Турсунзода кӯдакистони замонавӣ ба истифода дода шуд
Дар Донишгоҳи давлатии Хуҷанд озмуни «Шоҳномахонӣ» баргузор шуд
Дар шаҳри Истаравшан дуюмин ҳамоиши гирандагони стипендияи президентӣ доир шуд
«НАВРӮЗ — МУЖДАИ БАҲОРУ САРСАБЗИИ ТАБИАТ». Дар Донишгоҳи давлатии Кӯлоб ҷашни аҷдодиро таҷлил намуданд
НАВРӮЗ-ЭҲЁГАРИ АНЪАНАҲОИ МИЛЛӢ ВА ТАРҒИБГАРИ ҲУНАРҲОИ МАРДУМӢ. Таҳти ин унвон дар Донишгоҳи давлатии Бохтар ҳамоиш баргузор шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба ҳифзи Ватан ва мубориза бо падидаҳои номатлуб мулоқот доир шуд