Рӯзноманигорони тоҷик аз шабакаҳои телевизиони «Узбекистон», «ЗӮР ТВ» ва «Севимли» боздид намуданд

Ноябрь 26, 2022 09:43

ДУШАНБЕ, 26.11.2022 /АМИТ «Ховар»/. Ҳайати рӯзноманигорони Тоҷикистон таҳти роҳбарии Раиси Иттифоқи журналистони Тоҷикистон Зинатуллоҳ Исмоилзода зимни сафар ба Узбекистон аз сенати Маҷлиси Олийи Узбекистон боздид намуда, ҳангоми мулоқот бо сенаторҳо доир ба ҳамкории ду кишвар дар бахши илму фарҳанг, иттилооту коммуникатсия табодули назар намуданд. Дар ин бора ба АМИТ «Ховар» Раиси Иттифоқи журналистони Тоҷикистон Зинатуллоҳ Исмоилзода аз шаҳри Тошканд иттилоъ дод.

Ҳайати рӯзноманигорони тоҷик аз шабакаҳои телевизионии «Узбекистон», «ЗӮР ТВ», «Севимли», идораи нашрияҳои «Даракчӣ», «Суғдиёна», матбааи «КолорПак», маркази технологияҳои иттилоотию коммуникатсионии «IT-Park», Донишгоҳи давлатии журналистика ва иртибототи оммавии Узбекистон ва мавзеъҳои таърихию осорхонаҳои Тошканд боздид намуда, бо фаъолияти ҳамкасбони узбеки худ аз наздик шинос шуд.

Ҳамзамон дар Маркази миллии матбуоти Тошканд мулоқоти ҳайати журналистони Тоҷикистон бо ҷомеаи журналистии Узбекистон сурат гирифта, масъалаҳои таҳкими ҳамкорӣ дар бахши воситаҳои ахбори омма баррасӣ гардиданд.

Сафари ҳайати журналистони тоҷик ба кишвари ҳамсоя дар доираи таҳкими ҳамкории ду кишвар тибқи Созишнома миёни Иттифоқи журналистони Тоҷикистон ва Узбекистон, ки соли равон дар Тошканд ба тасвиб расида буд, сурат гирифтааст.

Ҳамзамон интизор меравад, ки ҳайати рӯзноманигорони тоҷик аз шаҳрҳои бостонии Самарқанд ва Бухоро боздид намуда, ёдгориҳои таърихию фарҳангии ин шаҳрҳои қадимиро тамошо намоянд.

АКС: Иттифоқи журналистони Тоҷикистон

Ноябрь 26, 2022 09:43

Хабарҳои дигари ин бахш

Барои мукофотонидани ғолибони Озмуни ҷумҳуриявии «Шоҳномахонӣ» 2 миллиону 660 ҳазор сомонӣ ҷудо карда мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. Ба беш аз 57 ҳазор оилаи шаҳри Ваҳдат «Шоҳнома» тақдим мегардад
ИЛМ ДАР БАЛАНДИИ ЗИЁДА АЗ 5000 МЕТР. Дар калонтарин пиряхи Тоҷикистон — Ванҷях таҳқиқоти илмӣ гузаронида шуд
Академияи миллии илмҳои Тоҷикистон бо Донишгоҳи давлатии омӯзгории Шинҷони Чин ҳамкориро тақвият медиҳад
Ёдгориҳои нодири тамаддуни тоҷикон дар Осорхонаи миллии Чин ба намоиш гузошта шуданд
Аз ҷониби нашриёти «Адиб» чор китоб ба нашр расид
Туҳфаи арзишманди Пешвои миллат — китоби «Шоҳнома» ба ноҳияи Файзобод расид
Байни консерваторияҳои Тоҷикистон ва Чин Ёддошти тафоҳум ба имзо расид
Намояндагони Шурои байналмилалии ҳунармандӣ бо намунаҳои сӯзании Панҷакент шинос шуданд
Сокинони шаҳри Роғун соҳиби туҳфаи Президенти Тоҷикистон — «Шоҳнома»-и Абулқосим Фирдавсӣ гардиданд
«АНДАЛЕБ-2025». Дар Панҷакент даври шаҳрии фестивал- озмуни ҷумҳуриявии телевизионӣ доир шуд
Намояндаи Тоҷикистон дар ҳамоиши тарғибгарони илм дар Чин иштирок намуд