Ширкати «Артуч» Тоҷикистонро дар Форуми байналмилалии сайёҳӣ дар Россия намояндагӣ мекунад

Ноябрь 4, 2022 10:40

ДУШАНБЕ, 04.11.2022 /АМИТ «Ховар»/. Тоҷикистонро дар Форуми байналмилалии сайёҳии Travel Hub «Иттиҳод», ки 9-10 ноябр дар шаҳри Санкт-Петербург баргузор мешавад, ширкати сайёҳии «Артуч» намояндагӣ мекунад, иттилоъ доданд ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон.

Намояндагони «Артуч» қаблан низ дар чунин чорабиниҳо дар Россия ширкат карда, дар муаррифии имконоти сайёҳии Тоҷикистон таҷрибаи назаррас доранд.

Гуфта шуд, ки дар ҳамоиш масъалаҳои имконияти сайёҳии кишварҳо, туризми тиббию иқтисодӣ, рақамикунонӣ дар соҳаи сайёҳӣ ва хатсайрҳои нави сайёҳӣ баррасӣ мешаванд.

Дар назар аст, ки дар ҳамоиш роҳбарони ниҳодҳои дахлдори кишварҳои ИДМ, намояндагони маъмурияти Санкт-Петербург ва кумитаи иҷроияи ИДМ, инчунин мутахассисони соҳаи сайёҳӣ, кормандони меҳмонхонаҳою осоишгоҳҳо ва ширкатҳои ҳавопаймоиву нақлиётӣ ширкат кунанд.

Бояд гуфт, ки Маркази сайёҳии «Иттиҳод» барномаест, ки соли 2019 барои муттаҳид сохтани тамоми иштирокчиёни соҳаи сайёҳии кишварҳои ИДМ таъсис дода шудааст.

Ҳадафи аслии вохӯриҳо, мизҳои мудаввар ва семинарҳое, ки таҳти сарпарастии он баргузор мешаванд, рушди робитаҳои нав байни иштирокчиёни бозори сайёҳии кишварҳои иттиҳод дар заминаи баста шудани қисман сарҳадҳо ва хуруҷи якчанд бозигарони байналмилалӣ дар ИДМ мебошад.

АКС аз бойгонии АМИТ «Ховар»

Ноябрь 4, 2022 10:40

Хабарҳои дигари ин бахш

Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
Дар Душанбе масъалаи таъсиси парки инноватсионии саноатӣ байни Тоҷикистон ва Русия баррасӣ гардид