Таҳти раёсати Тоҷикистон ҷаласаи роҳбарони мақомоти сайёҳии кишварҳои узви МҲТБО доир гардид
ДУШАНБЕ, 22.11.2022 /АМИТ «Ховар»/. 22 ноябр таҳти раёсати ҷониби Тоҷикистон ҷаласаи роҳбарони мақомоти сайёҳии кишварҳои узви Машварати ҳамкорӣ ва тадбирҳои боварӣ дар Осиё (МҲТБО) ба таври маҷозӣ баргузор гардид. Дар ин бора ба АМИТ «Ховар» дар Кумитаи рушди сайёҳии назди Ҳукумати Ҷумҳурии Тоҷикистон хабар доданд.
Дар ҷаласа роҳбарону намояндагони идораҳои сайёҳии Озарбойҷон, Бангладеш, Чин, Эрон, Ироқ, Исроил, Урдун, Тоҷикистон, Таиланд, Туркия, ва Котиботи МҲТБО иштирок доштанд.
Роҳбарони ҳайатҳо аҳамияти рушди ҳамкориро дар соҳаи сайёҳӣ байни кишварҳои узви МҲТБО дар шароити пас аз пандемияи COVID-19 ва таҳкими амалҳои муштаракро оид ба барқарорсозӣ ва фаъолгардонии минбаъдаи табодули сайёҳӣ миёни кишварҳои узви МҲТБО муҳим арёзбӣ намуданд.
Ҳамчунин роҳбарони ҳайатҳо вазъияти ҳозираи соҳаи сайёҳии миллӣ ва тадбирҳоеро, ки барои мустаҳкам намудани иқтидори саноати сайёҳии давлатҳои аъзои МҲТБО андешида шудаанд, мавриди баррасӣ қарор доданд. Иштирокчиён ба мувофиқа расиданд, ки ба соҳаи сайёҳии кишварҳои узви МҲТБО дар рафъи оқибатҳои пандемияи COVID-19 кумак ва дастгирии мутақобила расонанд.
Ҷонибҳо имконоти ташкили хатсайрҳои нави муштараки сайёҳиро бо дарназардошти бехатарии сайёҳон, аз ҷумла ҳангоми рафту омади онҳо миёни давлатҳои аъзои МҲТБО ба мақсад мувофиқ хонданд. Сарони ҳайатҳо самаранокии тадбирҳои аз ҷониби кишварҳои узви МҲТБО андешидашударо оид ба сирояти коронавируси COVID-19 дар бахши сайёҳӣ қонеъкунанда ҳисобида, ҳамчунин сана ва макони баргузории вохӯрии навбатии роҳбарони идораҳои сайёҳии кишварҳои узви МҲТБО-ро ба воситаи котиботи он мувофиқа намуданд.
Дар фарҷом роҳбарони ҳайатҳои бахши сайёҳии кишварҳои узви МҲТБО Протоколи ҷаласаро тасдиқ намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
Дар Хатлон масоили рушди ҳамкории сармоягузорӣ ва боғдорӣ баррасӣ гардид
НИШАСТИ МАТБУОТӢ. Ҳаҷми истеҳсоли неруи барқ дар неругоҳҳо ва марказҳои барқу гармидиҳии ҶСК «Барқи Тоҷик» беш аз 8 миллиард кВт-соатро ташкил дод
Таҷриба ва ташаббусҳои Тоҷикистон оид ба рушди иқтисоди рақамӣ дар ҷаласаи сатҳи баланди кишварҳои рӯ ба тараққии маҳсур дар хушкӣ (LLDCs) муаррифӣ шуд
НИШАСТИ МАТБУОТӢ. Дар озмоишгоҳҳои «Тоҷикстандарт» чӣ миқдор маҳсулоти ғайристандартӣ ошкор гардид?
НИШАСТИ МАТБУОТӢ. Кумитаи хоҷагии манзилию коммуналӣ ба истифодабарандагон ба маблағи беш аз 62 миллион сомонӣ хизмат расонидааст
НИШАСТИ МАТБУОТӢ. Дар шаш моҳ 1 ҳазору 750 ҳолати вайронкунии қоидаҳои истифодаи неруи барқ ошкор гардид
НИШАСТИ МАТБУОТӢ. Донишгоҳи байналмилалии сайёҳӣ ва соҳибкории Тоҷикистон ҳамоҳангсози миллии раддабандии байналмилалии «Донишгоҳҳои сабз» интихоб гардид
Намояндагони Тоҷикистон дар ҷаласаи 69-уми Шурои байнидавлатӣ оид ба стандартизатсия иштирок намуданд
Эмомалӣ Раҳмон: «Бунёди «Комбинати металлургии Тоҷик» рамзи иқтидори рӯзафзуни иқтисодии мамлакат аст»
Пешвои миллат Эмомалӣ Раҳмон соҳибкоронро ба сармоягузорӣ дар истеҳсолот ва коркарди ашёи хоми ватанӣ даъват намуданд
Эмомалӣ Раҳмон: ««Барномаи рушди металлургияи сиёҳ барои солҳои 2027–2035» таҳия карда шавад»
Эмомалӣ Раҳмон: «Тоҷикистон бояд аз кишвари истихроҷкунандаи маъдан ба истеҳсолкунандаи маҳсулоти металлӣ табдил ёбад»
