ТАСС: Сафири Федератсияи Россия гуфт, ки мардуми Тоҷикистон Россияро дӯст медоранд

ДУШАНБЕ, 18.11.2022 /АМИТ «Ховар»/. Мардуми Тоҷикистон Россияро дӯст медоранд ва дар ин ҷо мисли баъзе ҷумҳуриҳои собиқ шӯравӣ русбадбинӣ вуҷуд надорад. Дар ин бора Сафири Федератсияи Россия дар Ҷумҳурии Тоҷикистон Семён Григорев зимни ҳамроҳӣ намудани бозигарони дастаи миллии футболи Россия пеш аз бозии дӯстона бо тими миллии Тоҷикистон изҳор дошт, менависад ТАСС.

«Тоҷикистон кишвари дӯст аст. Дар ин ҷо онҳо Россияро, русҳоро дӯст медоранд ва русбадбинии беақлона, ки дар баъзе ҷумҳуриҳои собиқ шӯравӣ вусъат меёбад, вуҷуд надорад. Дар ин ҷо онҳо Россияро дӯст медоранд ва футболро низ ба қадри кофӣ дӯст медоранд», -иқтибос овардааст ТАСС аз суханони Григорев.

Дипломати рус, ки зимни тамрини футболбозон ширкат дошт, иброз намуд, ки «Тоҷикистон дастаи заиф нест, аз ин рӯ бозӣ барои шумо ҷолиб ва муфид хоҳад буд».

Григорев таъкид кардааст, ки чанд сад нафар русҳое, ки дар ин ҷо кору зиндагӣ мекунанд, дастаи миллии кишварро дастгирӣ хоҳанд кард, гуфта мешавад дар гузориш.

 Ёдовар мешавем, ки шаби гузашта дар Варзишгоҳи марказии Душанбе миёни дастаҳои мунтахаби Тоҷикистон ва Русия бозии дӯстона баргузор шуда, бо ҳисоби мусовии бидуни гол анҷом ёфт.

АКС: АМИТ «Ховар»