Тоҷикистон ва Туркманистон аз раванди рушду тавсеаи ҳамкории ду кишвар изҳори қаноатмандӣ карданд
ДУШАНБЕ, 11.11.2022 /АМИТ «Ховар»/. 10 ноябр дар Ашқобод муовини раиси Девони вазирон, вазири корҳои хориҷии Туркманистон Рашид Мередов муовини Вазири корҳои хориҷии Ҷумҳурии Тоҷикистон Содиқ Имомиро ба ҳузур пазируфт. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Дар мулоқоти дӯстона ҷонибҳо аз раванди рушду тавсеаи ҳамкории ду кишвар изҳори қаноатмандӣ карда, зарурати кӯшишҳои тарафайнро ҷиҳати ғанӣ гардонидани мӯҳтавои онҳо бо назардошти чорабиниҳои муштараки сатҳи олӣ таъкид сохтанд.
Тавре қаблан АМИТ «Ховар» хабар дода буд, 28 октябр Сафири Ҷумҳурии Тоҷикистон дар Туркманистон Фаррух Шарифзода бо Вазири фарҳанги Туркманистон Атагелдӣ Шамурадов мулоқот намуд. Дар мулоқот ҷонибҳо вазъ ва дурнамои ҳамкории Тоҷикистон ва Туркманистонро дар соҳаи фарҳангу санъат мавриди баррасӣ қарор доданд.
Аз ҷумла, онҳо роҷеъ ба баргузории Рӯзҳои фарҳанги Тоҷикистон дар Туркманистон ва таҳкими минбаъдаи робитаҳои фарҳангӣ изҳори назар намуданд.
Бо мақсади баланд бардоштани сатҳи ҳамкорӣ дар соҳаи фарҳангӣ-гуманитарӣ мубодилаи гурӯҳҳои эҷодӣ, иштироки мутақобил дар фестивалҳо, симпозиумҳо ва дигар чорабиниҳо ба анъанаи нек табдил ёфтааст.
Бо ташаббуси Сарони ду давлат Рӯзҳои фарҳанги Ҷумҳурии Тоҷикистон дар Туркманистон ва Рӯзҳои фарҳанги Туркманистон дар Ҷумҳурии Тоҷикистон баргузор мегарданд, ки дар густариши муносибатҳои дӯстӣ миёни мардумони ду кишвар ва таҳкими робитаҳои бисёрҷанбаи Тоҷикистон ва Туркманистон саҳми назаррас мегузоранд. Чунончи, моҳи июли соли 2017 Рӯзҳои фарҳанги Ҷумҳурии Тоҷикистон дар Туркманистон ва моҳи октябри 2018 Рӯзҳои фарҳанги Туркманистон дар Ҷумҳурии Тоҷикистон баргузор гардиданд.
Акс: ВКХ ҶТ
Байни Тоҷикистон ва Аморот сафарҳои омӯзишии олимон, пажуҳишгарон ва донишҷӯён амалӣ карда мешаванд
Сафири Тоҷикистон дар Нишасти 20-уми изтирории Шурои вазирони корҳои хориҷии давлатҳои аъзои Созмони ҳамкории исломӣ иштирок намуд
Дар Абузабӣ истифодаи зеҳни сунъӣ дар таъмини бехатарии ҷомеа баррасӣ гардид
Тоҷикистон бо ширкати “Venture One” ҳамкорӣ менамояд
Байни минтақаҳои Тоҷикистон ва Амороти Муттаҳидаи Араб ҳамкорӣ амалӣ мешавад
Сафири Тоҷикистон ба Президенти Гурҷистон эътимоднома супорид
Муколамаи коршиносон оид ба тамоюл ва дурнамои муосири «Осиёи Марказӣ+Ҷопон» доир гардид
Ҳамкории дуҷониба ва бисёрҷонибаи Тоҷикистон ва Индонезия матраҳ гардид
Дар Кувайт таҳкими робитаҳо байни Тоҷикистон ва Кувайт баррасӣ гардид
Дар рӯзномаи «Ал-Айёмӣ»-и Баҳрайн мусоҳиба оид ба муносибатҳои дуҷонибаи Тоҷикистон ва Баҳрайн ба нашр расид
Дар Сафорати Ҷумҳурии Тоҷикистон дар Федератсияи Русия Рӯзи Модар ҷашн гирифта шуд
Форуми ҷавонони Тоҷикистон ва Эрон баргузор мегардад
