ВАЗЪИЯТИ СИЁСИИ ДОХИЛИИ АФҒОНИСТОН ТЕЗУ ТУНД БОҚӢ МЕМОНАД. Дар ин бора котиби генералии СҲШ дар конфронси байналмилалӣ изҳор дошт
ДУШАНБЕ, 11.11.2022 /АМИТ «Ховар»/. Вазъияти сиёсии дохилии Афғонистон муташанниҷ боқӣ монда, барои терроризм, низоъҳои шаҳрвандӣ, ифротгароӣ ва истеҳсоли маводи мухаддир замина фароҳам меорад. Дар ин бора котиби генералии СҲШ Чжан Мин дар паёми видеоии худ ба иштирокчиёни конфронси 8-уми байналмилалии илмӣ-амалии сохторҳои минтақавии зиддитеррористии (СМЗТ) СҲШ дар мавзӯи «Амнияти муосир: таҳдидҳо ва ҳалли он» баён дошт. Конфронс 8-9 ноябр дар Тошканд баргузор гардид, хабар медиҳад АМИТ «Ховар».
Котиби генералии СҲШ Чжан Мин ҳамчунин иброз намуд, ки Созмон бозигари масъулиятшинос ва бонуфузи байналмилалӣ дар ҳифзи сулҳу субот ва рушд маҳсуб шуда, ҷиҳати мубориза бо хатару таҳдидҳои муосир дар таъмини амнияти минтақавӣ тамоми тадбирҳои заруриро меандешад.
Тибқи маълумоти СМЗТ СҲШ, соли 2021 мақомоти салоҳиятдори кишварҳои ин созмон 41 ҳамлаи террористӣ ва 283 ҷинояти дорои хусусияти террористӣ, экстремистӣ ва сепаратистиро пешгирӣ намуда, фаъолияти 62 ячейкаҳои созмонҳои байналмилалии террористӣ ва 203 нафар роҳбарон, аъзо ва шарикони онҳоро қатъ намуданд. Ҳамчунин дар шабакаи интернетӣ ҳудуди 240 ҳазор манбаи иттилоотии таблиғкунандаи ғояҳои «се бадӣ»: сепаратизм, терроризм ва ифротгароӣ баста шуд.
Ёдовар мешавем, ки конфронси илмӣ-амалии СМЗТ СҲШ ҳамасола аз соли 2013 инҷониб дар Тошканд доир карда мешавад.
Шаҳлои САДРИДДИН,
АМИТ «Ховар»,
АКС: News via Getty Images
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
Дар Тоҷикистон нақшаи даъвати тирамоҳӣ ба сафи Қувваҳои Мусаллаҳ 84 фоиз иҷро шуд
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
