Вазорати нақлиёт ва «China Railway Wuju (Group) барои сохтмони чор қитъаи роҳи мошингард дар шимоли Тоҷикистон қарордод ба имзо расониданд
ДУШАНБЕ, 28.11.2022 /АМИТ «Ховар»/. Вазири нақлиёти Тоҷикистон Азим Иброҳим ва намояндаи ваколатдори Корпоратсияи Чин «China Railway Wuju (Group) Corporation» Чжан Лян барои бунёди чаҳор қитъаи роҳ дар вилояти Суғд бо дарозии умумии 51,2 километр қарордод имзо карданд. Қарордод дар чаҳорчӯби тарҳи марҳилаи чаҳоруми Барномаи беҳтар намудани иртибототи минтақавӣ дар Осиёи Марказӣ ба маблағи 56,6 миллион доллар имзо шуд. Дар ин бора ба АМИТ «Ховар» дар Вазорати нақлиёти Ҷумҳурии Тоҷикистон хабар доданд.
Вазири нақлиёт ба пудратчӣ барои бо сифати баланд ва сари вақт анҷом додани корҳо супоришҳои мушаххас дод. Азим Иброҳим таъкид кард, ки ҳангоми татбиқи лоиҳа пудратчӣ бояд кормандони муҳандисию техникии баландихтисосро ҷалб кунад ва бояд беш аз 80 дарсади коргаронро мутахассисони маҳаллӣ ташкил намоянд.
Бояд тазаккур дод, ки лоиҳаи навсозии қитъаҳои роҳи Куруш-Бекобод дарозии 12,3 километр, роҳи Деҳмой-Бобоҷон Ғафуров дарозии 22 километр, инчунин таҷдиди қитъаи роҳи Бобоҷон Ғафуров-Хистеварз тӯли 6,6 км ва «Конибодом — Кучкак» дарозии 10,3 километрро дар бар мегиранд. Дар доираи лоиҳа 11 пули нав бо дарозии умумии 444,2 метр сохта мешаванд.
АКС: Вазорати нақлиёти Ҷумҳурии Тоҷикистон
Ҷаласаи гурӯҳи кории Шурои роҳбарони Палатаи савдо ва саноати Иттиҳоди Давлатҳои Мустақил доир гардид
Тоҷикистон ва Миср ҳамкориро дар соҳаҳои дорусозӣ, нассоҷӣ ва мошинсозӣ густариш медиҳанд
Тавсеаи ҳамкории дуҷонибаи сармоягузорӣ ва тиҷоратӣ байни Тоҷикистон ва Миср баррасӣ гардид
Ҳайати Тоҷикистон дар Лондон бо намояндагони ниҳодҳои бонуфузи байналмилалии молиявӣ вохӯрӣ намуд
Муовини Сарвазири Тоҷикистон бо вазъи соҳаи кишоварзӣ дар Ҳисор, Турсунзода ва Шаҳринав шинос шуд
Ҷаласаи нахустини Комиссияи давлатӣ оид ба радиобасомадҳои Ҷумҳурии Тоҷикистон доир шуд
Ҷаласаи Кумитаи муштараки роҳбарикунандаи Ҳукумати Тоҷикистон ва Созмони Милали Муттаҳид доир шуд
Нишасти Кумитаи пайгирии иҷрои Протоколи Комиссияи муштараки Тоҷикистону Эрон баргузор гардид
Дар Минтақаи озоди иқтисодии «Кӯлоб» Маркази логистикӣ таъсис дода мешавад
Ҷаласаи 8-уми Комиссияи муштараки Тоҷикистон ва Покистон оид ба ҳамкории тиҷоратӣ, иқтисодӣ ва илмӣ-техникӣ доир мегардад
Дар Тотористон бо соҳибкорони Тоҷикистон вохӯрӣ доир гардид
Хатҳои интиқоли барқ дар Кӯҳистони Мастчоҳ бояд навсозӣ карда шаванд
