«28 СОЛИ ТАЛОШҲО БАРОИ ПЕШРАФТ ВА ОБОДИИ ВАТАН». Дар Душанбе бахшида ба таъсиси ҲХДТ ҳамоиши сиёсӣ-фарҳангӣ доир шуд
ДУШАНБЕ, 09.12.2022 /АМИТ «Ховар»/. 7 декабр бо ибтикори Кумитаи иҷроияи Ҳизби Халқии Демократии Тоҷикистон дар шаҳри Душанбе бахшида ба 28-умин солгарди таъсиси ҳизб дар Донишгоҳи славянии Россияву Тоҷикистон таҳти унвони «28 соли талошҳо барои пешрафт ва ободии Ватан» ҳамоиши сиёсӣ-фарҳангӣ доир гардид. Дар ин бора ба АМИТ «Ховар» дар Кумитаи Иҷроияи Марказии ҲХДТ хабар доданд.
Дар ҳамоиш роҳбари маркази матбуот ва таҳлили Кумитаи Иҷроияи Марказии ҲХДТ Илҳомҷон Ҳамидиён, раиси Кумитаи иҷроияи ҳизбии шаҳри Душанбе Иброҳим Мирзозода, кормандони сохторҳои ҳизбии шаҳр ва ноҳияҳои он, инчунин сарбозону афсарони қисмҳои низомӣ иштирок намуданд.
Иброҳим Мирзозода зикр кард, ки 10 декабр аз таъсиси ҲХДТ 28 сол сипарӣ мегардад. «Маҳаки асосии фаъолияти ҲХДТ-ро хизмат ба халқ ва ормонҳои миллӣ ташкил дода, тӯли 28 соли фаъолияти пурсамар ҳизб зери шиори «Барои пешрафт ва зиндагии шоистаи мардум» ҷомеаро ба марҳилаҳои неку арзанда расонид», — тазаккур дод ӯ.
Дар идома гуфта шуд, ки баъди ба даст овардани Истиқлолияти миллӣ дар кишвар давраи печидае ба амал омада, ҷанги таҳмилӣ оғоз ёфт. Замоне, ки ҷанги шаҳрвандӣ дар минтақаҳои кишвар шиддат меёфт ва мардум мунтазири паёми сулҳу субот ва шукуфоӣ буданд, зарурати таърихӣ барои таъсис додани ҳизби сиёсие ба вуҷуд омад, ки бояд фарогири дидгоҳҳои қишрҳои мухталифи ҷомеа бошад. Аз ин лиҳоз, зарур буд, ки мардум дар меҳвари мафкураи сиёсии созанда сарҷамъ биёянд ва ба мухолифату даргириҳои фоҷиабор, ки оқибатҳои ногувор ба бор оварда буданд, анҷом бахшанд.
Ҳамчунин иброз гардид, ки ҳарчанд ин марҳилаи кӯтоҳ барои рушду такомули ҳамаҷониба ва густурдаи як ҳизби сиёсӣ чандон давраи тӯлонӣ маҳсуб намешавад, вале ба ин нигоҳ накарда, ҲХДТ бо роҳбарии Пешвои миллат, Раиси муаззами ҳизб муҳтарам Эмомалӣ Раҳмон масири пурифтихореро паси сар кард, ки арзиши даҳсолаҳоро дорад ва дастовардҳои сиёсии он дар саҳифаҳои давлатдории навини тоҷикон бо хатҳои заррин сабт хоҳанд шуд.
АКС: Маркази матбуот ва таҳлили Кумитаи Иҷроияи Марказии ҲХДТ
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
