«БЕҲТАРИН СОДИРОТКУНАНДАИ ТОҶИКИСТОН». Бонки Эсхата ғолиби ин озмуни ҷумҳуриявӣ гардид
ДУШАНБЕ, 06.12.2022 /АМИТ «Ховар»/. Бонки Эсхата ғолиби озмуни ҷумҳуриявии «Беҳтарин содироткунандаи Тоҷикистон» гардида, дар номинаи «Беҳтарин инфрасохтори содироткунанда» соҳиби ҷоиза шуд. Дар ин бора ба АМИТ «Ховар» дар Бонки Эсхата хабар доданд.
Маросими ҷоизасупорӣ ба ғолибони озмун 28 ноябри соли 2022 дар толори меҳмонхонаи “Hyatt Regency Dushanbe” баргузор гардид. Зиёда аз 60 субъекти ватанӣ сарфи назар аз шакли моликият, ки ба содироти маҳсулот, кор ва хизматрасонӣ машғуланд, дархост пешниҳод намуданд.
Беҳтарин содироткунандагон аз рӯи номинаҳои дахлдори қоидаҳои муқаррарнамудаи озмун интихоб гардида, ба ғолибон ҷоиза ва сертификати Озмуни ҷумҳуриявии «Беҳтарин содироткунандаи Тоҷикистон» тақдим карда шуд.
Дар маросими ҷоизасупорӣ Бонки Эсхатаро менеҷери калони корпоративӣ Фирдавс Муллобоев намояндагӣ кард.
Бояд зикр кард, ки Бонки Эсхата дар самти содироти Тоҷикистон бо пешниҳоди қарзҳои имтиёзнок ба корхонаҳои кишвар дастгирии молиявӣ мерасонад. То имрӯз зиёда аз 500 корхонаи бузурги кишвар аз ҷониби Бонки Эсхата маблағгузорӣ шудаанд.
Ҳамин тариқ, бонк дар татбиқи Барномаи давлатии рушди содироти Ҷумҳурии Тоҷикистон, вусъат додани муомилоти тиҷорати берунӣ ва рушди фаъолияти корхонаҳои истеҳсолӣ, ки ба содироти маҳсулот нигаронида шудааст, мусоидат менамояд.
Ёдовар мешавем, ки озмун аз ҷониби Агентии содироти назди Ҳукумати Ҷумҳурии Тоҷикистон бо мақсади иҷрои нишондиҳандаҳои Барномаи давлатии рушди содироти Ҷумҳурии Тоҷикистон барои солҳои 2021-2025, ки бо қарори Ҳукумати Ҷумҳурии Тоҷикистон аз 30 апрели соли 2021 қабул гардидааст, ташкил карда шуд.
АКС: Бонки Эсхата
Ташаккули сиёсати зиддикоррупсионии Ҳукумати Ҷумҳурии Тоҷикистон дар даврони истиқлоли давлатӣ баррасӣ гардид
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
ҚУРБИ АСЪОР: 1 доллари ИМА аз 9.1800 то 9.2492 сомонӣ муқррар шудааст
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
