Дӯконҳои бозори марказии шаҳри Хоруғ аз сари роҳи мошингард бардошта шуданд
ХОРУҒ, 28.12.2022 /АМИТ «Ховар»/. Мутахассисони шуъбаи Хадамоти оташнишонии Вилояти Мухтори Кӯҳистони Бадахшон дар арафаи Соли нави мелодӣ вазъи риояи қоидаҳои бехатарӣ аз сӯхторро дар бозори марказии шаҳри Хоруғ мавриди санҷиш қарор доданд. Дар натиҷаи бепарвоӣ нисбат ба қоидаҳои бехатарӣ аз сӯхтор дар панҷ соли охир дар ин бозор чанд маротиба сӯхтор ба амал омад, ки бар асари он даҳҳо дӯкон ба коми оташ рафта, соҳибкорон зиёни ҷиддии молӣ диданд, хабар додааст мухбири минтақавии АМИТ «Ховар» Файз МИРАСАН.
Муҳандиси шуъбаи Хадамоти оташнишонии вилоят Алифбек Шукурбекзода гуфт, ки “бозор яке аз маконҳои ҷамъшавии зиёди одамон, аз ҷумла мӯйсафедон, кӯдакону наврасон, одамони имконияташон маҳдуд буда, яке аз маконҳои осебпазир дар баробари сӯхтор ба шумор меравад. Санҷишҳои солҳои охир нишон доданд, ки иддае аз соҳибкорон аз бухориҳои худсохт ва ноқилҳои кӯҳнаву корношояме истифода мебаранд, ки ҳар замон имкон доранд сабаби сӯхтор гарданд. Илова бар ин баъзе дӯконҳои худсохти тиҷоратӣ дар роҳи мошингард ҷой гирифтаанд, ки ба ҳаракати мошинҳои сӯхторхомӯшкунӣ монеаи ҷиддӣ эҷод мекунанд. Ҳарчанд аксари ин дӯконҳо баъди сӯхтори моҳи июни соли равон, ки бар асари он 20 дӯкон сӯхтаву пули калони пиёдагард комилан тахриб гардид, аз сари роҳ бардошта шуданд, аммо дар чанд моҳи охир соҳибкорон боз ба макони аввалаи худ баргашта, роҳи мошинҳои махсусро банд намудаанд”.
Бо роҳандозӣ намудани санҷиши навбатӣ ҳамаи ин дӯконҳо аз сари нав аз роҳи мошингард бардошта шуданд. Ба маъмурияти бозор дастур дода шуд, ки минбаъд ба чунин хилофкорӣ роҳ надиҳанд ва нагузоранд, ки роҳҳои мошингард аз тарафи соҳибкорон баста шаванд. Зеро бастани роҳи мошинҳои махсус, аз ҷумла мошинҳои сӯхторхомӯшкунӣ, ёрии таъҷилӣ, ҳолатҳои фавқулода қатъиян манъ аст.
Дар сурати ислоҳ накардани камбудиҳо фаъолияти соҳибкорон дар бозор дубора манъ мегардад.
АКС: АМИТ «Ховар»
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
6 август дар вазоратҳои рушди иқтисод ва савдо, саноат ва технологияҳои нав, Кумитаи давлатии сармоягузорӣ ва идораи амволи давлатӣ ва Агентии омор нишасти матбуотӣ баргузор мегардад
Имрӯз дар Тоҷикистон гармии ҳаво ба 37 дараҷа мерасад
ТАҚВИМИ АМИТ «ХОВАР»: имрӯз 5 август, сешанбе, 217-умин рӯзи соли 2025 аст
Кормандони Кумитаи ҳолатҳои фавқулода ва мудофиаи гражданӣ 20 нафарро аз ғарқшавӣ наҷот доданд
Дар марказҳои саратоншиносии Тоҷикистон низоми муосири бойгонӣ ва интиқоли аксҳои рентгенӣ татбиқ гардид
НИШАСТИ МАТБУОТӢ. Дар ноҳияи Рӯдакӣ беш аз 10 ҳазор ариза барои гирифтани замин дар баррасӣ қарор дорад
Дар заминҳои соҳили дарёи Зарафшон ва мавзеи Киштӯдак 1350 бех ниҳоли павловния парвариш карда мешавад
