Дар 6 соли охир шумораи хоҷагиҳои моҳипарвари Кӯлоб як баробар зиёд шуд
КӮЛОБ, 18.12.2022 /АМИТ «Ховар»/. Дар шаҳри Кӯлоб давоми 6 соли охир шумораи хоҷагиҳои моҳипарвар як баробар зиёд шудааст. Баъди фароҳам овардани шароити мусоид барои моҳипарварӣ ва додани имтиёзҳо ба кишоварзон майдони ҳавзҳои моҳипарварӣ васеъ шуда, истеҳсоли гӯшти парҳезӣ зиёд гардид, хабар медиҳад мухбири минтақавии АМИТ «Ховар» Сулаймон ХОЛЗОДА.
Сардори хоҷагии моҳипарварӣ дар шаҳри Кӯлоб Рустам Нуралиев гуфт, ки «хоҷагии моҳипарварии «Исмоил» дар Ҷамоати деҳоти «Зарбдор» яке аз хоҷагиҳои муваффақ дар ин самт ба шумор меравад. Давоми чанд соли охир саҳмдорони ин хоҷагӣ бозору марказҳои шаҳри Кӯлобро бо моҳӣ таъмин менамоянд. Имсол низ бо тавсияи мутахассисони соҳа дар ин хоҷагӣ навъҳои гуногуни моҳӣ парвариш карда шуданд ва аллакай беш аз як тонна маҳсулотро ба фурӯш баровардаанд. Дар натиҷаи боронҳои селу пай дар пай аввали моҳи ноябр сатҳи оби «Кӯлобдарё» баланд гардида, се ҳавзи моҳии хоҷагиро дар масоҳати қариб як гектар шуст, ки ин ба хоҷагӣ ҳисороти зиёд ворид намуд».
Ба гуфти хоҷагидорон, дар ин ҳавзҳо барои соли оянда 30 ҳазор моҳича парвариш меёфтанд, ки ба дарё рафтанд. Ҳоло бо истифода аз техника ҳавзҳоро барқарор карда истодаанд ва мақсад доранд соли оянда бо дастрас намудани моҳичаҳо дар ҳамаи ҳавзҳо парвариши моҳиро ба роҳ монанд.
АКС: Хадамоти матбуоти Президенти ҶТ/АМИТ «Ховар»
РУШДИ ТОҶИКИСТОН ТАВАССУТИ РАҚАМИКУНОНӢ, ЗЕҲНИ СУНЪӢ ВА НИЗОМИ МАОРИФИ ПЕШРАФТА. Бардошт аз Паёми Президенти Ҷумҳурии Тоҷикистон ба Маҷлиси Олӣ
ИСТИҚЛОЛИЯТИ ЭНЕРГЕТИКӢ-ЯКЕ АЗ ҲАДАФҲОИ СТРАТЕГИИ ҲУКУМАТИ ТОҶИКИСТОН. Моҳи майи соли 2027 Тоҷикистон ба истиқлоли комили энергетикӣ ноил мегардад
Эмомалӣ Раҳмон: «Соли 2025 дар вилояти Суғд сохтмони неругоҳи барқи офтобӣ бо иқтидори 200 мегаватт оғоз мегардад»
Дар Тоҷикистон «Стратегияи ҷалби сармоя барои давраи то соли 2040» таҳия мегардад
Пешвои миллат: «Дар панҷ соли охир суръати рушди иқтисоди миллӣ ба ҳисоби миёна 7,7 фоизро ташкил дод»
Истеҳсоли маҳсулоти кишоварзӣ дар Тоҷикистон аз 39 миллиард сомонӣ ба 73 миллиард сомонӣ расонида шуд
Ба ҳама намуд санҷишҳои фаъолияти субъектҳои соҳибкорӣ (ба истиснои санҷишҳои мақомоти андоз) то 1 январи соли 2027 мораторий эълон карда шуд
Президенти Тоҷикистон: «Аз моҳи майи соли 2027 норасоии неруи барқ дар Тоҷикистон пурра бартараф мегардад»
Солҳои 2025-2030 Солҳои рушди иқтисоди рақамӣ ва инноватсия эълон гардиданд
Пешвои миллат: «Аз ҷониби Кумитаи рушди сайёҳӣ барои бунёди инфрасохтори зарурӣ бояд тадбирҳои иловагӣ андешида шаванд»
Маҳсулоти саноатии Тоҷикистон аз 27 миллиард ба 53 миллиард сомонӣ расонида шуд
Президенти Тоҷикистон Эмомалӣ Раҳмон: «То имрӯз беш аз 50 фоизи корҳои сохтмонӣ дар Неругоҳи барқи обии «Роғун» ба анҷом расидаанд»
